روايه كامله

جوزي بدل بنتي ببنت قريبتنا اللي ولدت بنت مېته معايا في نفس اليوم ...وفهمني ان بنتي انا هيه اللي ماټت والسبب عمري ما كنت اتخيله
أنا كنت لسه بمسح دموعي وماشية في طرقة المستشفى، شايلة في إيدي شهادة ۏفاة بنتي اللي قالولي إنها ماټت .. الدنيا كانت سودة في عيني، وكنت رايحة أوضة صافي جارتنا وقريبتنا واقرب حد ليا يواسيني في الوقت ده ...صافي كانت بتولد معايا في المستشفى في نفس اليوم
قربت من الباب، وسمعت صوت فارس واطي بس مليان حنية.. وقفت مكاني لما سمعته بيقول
خلاص يا صافي، متبكيش.. بنتنا إحنا اللي ماټت، بس أنا مستحيل أسيبك مکسورة كدة.. البنت اللي معاكي دي هي بنتي من هيام، أنا بدلتهم أول ما اتولدوا.
صافي ردت بصوت فيه غل وراحة
يعني هيام دلوقتي فاكرة إن بنتها هي اللي ماټت؟
فارس رد ببرود يقتلك
أيوه، زمانها دلوقتي بتستلم شهادة الۏفاة اصرت تروح تستلمها بنفسها.. خليهم يدفنوا بنتك إنتي، وتعيشي إنتي وبنتي أنا وإنتي سوا.. أنا أصلاً متجوزها عشان قرشين أهلها، لكن إنتي يا صافي مراتي وحبيبتي اللي متجوزها على سنة الله ورسوله .. كفاية إنك شايلة اسمي في السر، مش هخليكي تشيلي ۏجع مۏت كمان.
وقعت شهادة الۏفاة من إيدي.. الأرض لفت بيا.
فارس متجوز عليا؟ وصافي دي مش قريبته، دي ضرتي؟
والأوسخ من كدة.. إنه استكتر عليا بنتي! لبّسني المۏت ولبّسها الحياة؟
فتحت الباب ببطء، إيدي كانت بترعش بس قلبي كان حجر.
شفت فارس وهو بيبوس إيد صافي، وصافي شايلة بنتي.. بنتي أنا! .
أول ما شافني، وشه جاب ألوان، وقام وقف مخضوض
هيام! إنتي.. إنتي بتعملي إيه هنا؟ مش كنتي بتخلصي إجراءات.. الډفن؟
بصيتله من فوق لتحت بكسرة ممزوجة بقوة غريبة، أول ما نطقت وقلت دي بنتي، شفت فارس وصافي بادلوا بعض نظرة سريعة، وفجأة ملامح فارس اتغيرت من الخۏف لشفقة مصطنعة تقرف. سحب إيدي بالراحة وقال بصوت عالي عشان الممرضات اللي اتجمعوا يسمعوا
يا حبيبتي، يا هيام.. وحدي الله. أنا عارف إن الصدمة شديدة عليكي، بس بنتنا خلاص راحت