حبيب الروح قصة حماده هيكل

انتي رايحالهم
وانا هراضيكي واعمل معاكي الصح ومش هنختلف
انت ايه اللي بتقوله دا يا حيوان.. اقف هنا ونزلني
اقف فين احنا لسه سهرتنا صباحي
بقولك وقف ياما هرمي نفسي من العربية
طب ما توريني كدا لو جدعه
فتحت الباب ونطيت من العربية.. وقعت وقومت بسرعه
عشان اهرب منه لقيته لف بالتاكسي وفضل يطاردني
لغاية ما تعبت من الجري والم الوقعه ومحستش
بنفسي غير وانت بتفوقني
طيب الحمدلله انك بخير
انا متشكره ليك يا..
أسعد.. اسمي أسعد
وانا سميحه.. مديت ايديها فسلمت عليها.. تشرفنا
عيونا تلاقت لحظات قبل ما تسحب صوابعها بلطف من كفي
انتبهت وقولت
احم.. طب انتي ايه اخرك كدة وكنتي رايحه فين
صاحب الشغل كانت الست مراته بتولد
وانا كنت لوحدي في المحل ومش معايا المفاتيح اقفل المحل
اضطريت استنى لما يرجع.. وجالي وهو مبسوط
ان ربنا رزقه بالولد اللي كان بيتمناه وقالي اسف يا سميحه
بس كان لازم اطمن عليهم
ولا يهمك يا استاذ حمدلله ع سلامة المدام
والف مبروك ع المولود الجديد.. يتربى في عزك
قالي خلاص انتي بكره اجازه ومصروف ليكي
مكافاة نص شهر كمان
كنت طايره من الفرحه لولا السواق الرمه دا نكد عليا
طيب انا بيتي قريب من هنا تعالي ارتاحي
بدل وقفت الشارع كدا
اخص عليك وانا اللي بقول انك محترم
تقوم تطلع كدا
لا ياستي انتي فهمتي ايه بس
انا اقصد تعالي ارتاحي وكلي لقمه
لحد الصبح.. لان هنا مفيش مواصلات والليل طويل
وانا استحاله اسيبك تباتي في الشارع
بصت للدبلة في صباعي وقالت بس كدة
خطيبتك هتزعل لو عرفت ان في وحده غريبة دخلت شقتك
يا ستي ما تزعل كدة كدا احنا كل يوم خناق مع بعض
اتفضلي برجلك اليمين..
اول ما دخلت قالت
. وهي دي بقى شقتك!!
اه الحمدلله شرحه وبرحه مش كدا
اه اوي دا انت عشان تخرج منها لازم تطلع بضهرك
ومتلفش
طيب يا ستي شكرا.. اهو حاجه ستراني وع اد الحال
اوعى تزعل انا بهزر
ولا يهمك.. احكيلي بقى عن نفسك
لا انت الاول
حكيتلها كل حاجه عني وعن ظروفي وبعدها
قولت ها بقى دورك انتي
شوف ياسيدي انا ظروفي متختلفش كتير عن ظروفك
ابويا ماټ من وانا ف اعدادي وامي ست صاحبة مرض
سبت المدرسه ونزلت اشتغل في المحلات
مره سوبر ماركت ومره عند خياطه ومره في صيدليه
لحد العمر جري بيا وبقى عندي 33 سنه وبقيت عانس اد الدنيا
متقوليش كدا دا انتي ست البنات كلهم
ابتسمت بخجل وقالت
ربنا يجبر بخاطرك.. المهم اني حاليا عايشه اناوامي لوحدنا
ربنا يخليكوا لبعض.. بس هي زمانها قلقانه عليكي دلوقت
لا انا كلمتها من بدري وعرفتها اني هتاخر
وزمانها خدت العلاج ونامت... ست كبيرة بقى
ربنا يديها الصحه
طيب في هنا تمن جبنه ولانشون وزيتون
حاجه كدا على ماقسم بسم الله بقى
يا خبر انا هاكل عشاك يعني
وايه المانع لقمه هنيه تكفي ميه
ولا انتي مش عايزه يكون ما بينا عيش وملح
لا مش كدا.. طيب يلا بقى مدي ايدك بسم الله
الحمدلله سفره دايمه
بالف هنا
نحبس بقى باخر تلقيمة شاي ونقسمها بالنص
ايه