روايه معني الحب الحقيقي بقلم نشوه عادل

انت فين ي ابنى
شادى ف البيت يسطا
هانى لوحدك ولا حد عندك من اهلك
شادى ما انت عارف انى لوحدى وهما مسافرين فيه حاجة ولا ايه
هانى عايز اجى ابات عندك النهاردة
شادى تمام مفيش مشكلة تعال بس فيه حاجة ولا ايه
هانى بتفكير لا مفيش اصل مخڼوق من اللى حصل ومش عايز افضل لوحدى حاسس ان عقلى هينفجر من التفكير
شادى طب اشطا ي معلم مستنيك متتأخرش
عدى اسبوع وهانى عايش مع شادى ف بيته وامه بتبعت ليه فلوس من ورا ابوه باستمرار من ميراثها عشان جوزها ميعرفش بالمبالغ اللى بتسحبها .... وفى يوم كان يوسف زيارة عند منة ولاحظ سكوتها
يوسف لسه بتفكرى ف هانى برضه
منة انا متأكدة انه مش هيسكت ي يوسف حاسة ان ده الهدوء اللى بيسبق العاصفة
يوسف لا اطمنى ي منة صدقينى عمى قايم معاه بالواجب ومخليه يلف حوالين نفسه
منة ازاى
حكى ليها يوسف اللى حصل بالظبط وقال اللى كان مقويه الفلوس لكن دلوقتى هو من غيرها ضعيف
منة بالعكس يمكن ده يخليه يتجنن اكتر ويعمل اى حاجة بسبب غضبه وخصوصا انه اكيد عارف انك انت اللى بعت الفيديوهات لابوه
يوسف لنفترض ان تخمينك صح هيعمل كده ازاى من غير فلوس
منة انت مفكر ان امه هتسيبه كده زمانها بتبعت ليه من ورا ابوه
يوسف حتى لو كان كلامك صح عمرها ما هتكون زى المبالغ اللى كان بيسحبها واكيد كلها بتضيع ع الممنوعات
نظرت ليه منة بلمعة ف عيونها اول مرة يوسف يلاحظها ولقاها سرحانة فيه قال بابتسامة مالك سرحانة ف ايه
منة انت غريب اوى
يوسف انا ازاى بقى
منة بتقدر تطمنى وتحتوينى وانا عمرى ما حسيت بكده غير مع بابا وبس
يوسف امممم يعنى عمرك ما حسيتى بكده مع هانى
منة عمرى حتى من قبل ما اتخدع فيه مكنتش برتاح ليه وبقلق منه ومن تصرفاته لكن انت بشوف فيك بابا اوى
يوسف يعنى اطمن ان ف يوم هيكون ليا مكان ف قلبك
ابتسمت منة باحراج وقالت ممكن سؤال
يوسف بضحك انتى بتهربى من الاجابة مش كده ما علينا اتفضلى اسألى
منة هو انت يعنى محبتش قبل كده
يوسف لا حبيت واوى كمان مرة واحدة بس
منة بزعل وغيرة بتحاول تداريها بجد كانت مين
يوسف كانت انتى وبس انتى اول واخر حب
منة باحراج احم انا ..انا هقوم اعمل شاى بالنعناع اوك
طلعت تجرى من قصاده وهو ضحك وبص للسما وقال يارب
ف الليل ف شقة شادى اللى كان قاعد مع هانى بيشربوا كل ما حرم الله قال محضرلك حتة مفاجأة انما ايه من الاخر
هانى ايه ي معلم
ضړب الجرس ابتسم شادى وقال المفاجأة وصلت
راح شادى وفتح الباب ودخلت بنتين شكلهم مش تمام وضحكوا ضحكة عالية وقالت واحدة هنوشتى ي بيبى وحشتنى وووووو...يتبع
هنوشتى ي بيبى وحشتنى طول السنين دى ماشوفكش ولا مرة
هانى سوزى ي بنت الايه انا فكرتك موتى
سوزى بعد الشړ عليا انا اعتزلت الملاعب فترة طويلة عشان كنت اتجوزت وادينى رجعت بقوة
هانى بغمزة بس اتغيرتى واحلويتى اوى
سوزى طول عمرى وانا جميلة ولا تنكر
هانى مقدرش
شادى ثوانى بس انتم تعرفوا بعض ازاى
هانى بضحك عايز اقولك ان سوزى كانت اول مرة ف سنة اولى شقاوة تقدر تقول دى المدرسة بتاعتى
ضحك شادى يعنى طلعتوا معرفة قديمة يبقى خلاص مبروك عليك
هانى طب مش نتعرف ع البطل الجديد
البنت التانية بوسى
شادى بوسى ملاك الرحمة
ضحك الكل وقعدوا وشغلوا اغانى ورقصوا ....هانى ثوانى هدخل اجيب ولاعة دى شكلها شطبت
دخل ع الاوضة واتأخر شويه فدخل وراه شادى وقاله ايه ي ابنى كل ده بتجيب ولاعة
هانى مش لاقى يسطا كانوا هنا
فتح شادى الجيب الصغير ف الشنطة وطلع منها ابرة وقال ايه الحقنة دى ي نجم
مسكها هانى وابتسم دى اللى كان جابها الواد صبحى بس نسيتها
شادى طب حلو ما تيجى كل واحد فينا احنا الاربعة يجرب سنتى
هانى مفيش منه الكلام ده دى تمنها اشترى بيه الف واحدة من عينة سوزى
شادى اممم مستخسر ف صاحبك كمان
هانى عيب يسطا انت حبيبى انت سنتى وانا اربعة
شادى ي عم ماشى بس افرض عجبنى
هانى ابقى اشترى انا مالى انا ناوى اخد حقى كله النهاردة اصلا
شادى يعنى ايه هتاخد الاربعة سنتى النهاردة
هانى اه مالك ف ايه
شادى انت اهبل ي ابنى انت ناسى صبحى يومها قال ايه قال سنتى واحد كفاية مرة واحدة ف الاسبوع كمان
ضحك هانى بتهكم وقاله بذمتك دى هتأثر معانا احنا ده احنا جتتنا نحست ي ابا هات اخلص
شادى پخوف هانى متستعبطش ده نوع جديد ومنعرفش سكته ايه
هانى انت مالك ف ايه النهاردة عارفك عيل طماع وعاوزه لنفسك
شادى والله ابدا انا فعلا خاېف عليك
هانى لا متخافش ي اخويا ويلا اخرج للبنات عشان ميزهقوش وانا هخلص واحصلكم
بالفعل خرج شادى وهو حاسس پخوف ميعرفش سببه وساب هانى اللى قعد وبدأ ياخد الحقنة وكان الموضوع عادى بعد خمس دقايق بدل يعرق جامد وحرارته ارتفعت مرة واحدة حس بثقل بصدره وضربات قلبه زادت اوى حاول ينادى ع شادى حس بخنقة مانعة صوته يطلع قرر يقف لكن اول ما وقف وقع ع وشه وهو حاسس بالدنيا بتسود حواليه جسمه بيتشنج وفجأة حس ان جسمه تلج
سوزى الله هو الواد هانى اتاخر كده ليه
شادى واد لو سمعك بتقولى كده هيعمل منك كفتة
سوزى ي اخى اتنيل انا هدخل اشوفه بيهبب ايه
شادى بغمزه وماله
دخلت سوزى ولقته مرمى ف الارض ووشه احمر ډم وبيتشنج فصړخت بأعلى صوتها
كانت منة بتكلم يوسف بالفون وبتقوله منمتش ليه مش عندك شغل بدرى
يوسف لا نوم ايه بس انتى اهم من اى حاجة
منة

شكرا اوى ي يوسف
يوسف بتشكرينى ع ايه
منة ع كل حاجة حلوة عملتها عشانى وشكرا لانك بحياتى بجد
يوسف بفرحة واحدة واحدة علينا ي عروسة البحر قلبى مش مستحمل كل ده
منة انت تستاهل كل خير وفرح ي يوسف
يوسف طب بالله تقوليها نفسى تطمنى قلبى
منة باحراج ف ميعادها هتتقال وهتبقى احلى كمان
يوسف ماشى ي سيتى وانا لسه عند وعدى
منة طب ممكن سؤال
يوسف اسألى ع طول
منة هو يعنى انت ممكن توافق تخلينى اشتغل بعد الجواز ولا هتمنعنى
يوسف عمرى ما اقدر امنعك عن حاجة انتى بتحبيها الا ف حالة واحدة
منة ايه هى
يوسف انها تشغل وقتك كله وتخليكى تهملى بيتك لكن لو عندك القدرة تديرى وقتك وتعطى لكل حاجة حقها تأكدى انى هفضل ف ضهرك وجنبك وبشجعك من كل قلبى
منة بفرحة وانا اوعدك انى يوم ما احس انى قصرت انا اللى هطلب اوقف شغل ويلا بقى نوم
يوسف ليه بس لسه بدرى
منة بدرى من عمرك ي دكتور الساعة ٣
يوسف بص للساعة باستغراب وقال ياه تصدقى انتى الوحيدة اللى بحس ان الوقت معاكى بيجرى بسرعة وكأنه قاصد يحرمنى منك
منة اطمن ي يوسف مفيش حاجة هتبعدنى انا هفضل جنبك ومعاك
يوسف بفرحة بجد
منة بكسوف بجد ويلا نوم بقى
يوسف ماشى ي قلبى تصبحى ع خير ي روحى
منة وانت من اهله باى
قفلت منة وحط يوسف الفون جنبه بفرحة ولقى الفون بيرن تانى ابتسم وفكرها هى رد بسرعة من غير ما يبص وقال لحقت اوحشك ولا ايه
شادى بدموع يوسف الحقنى بسرعة هانى بېموت
يوسف قام اتعدل وبص بالفون وقال مين انت وجيبت رقمى منين
شادى انا صاحب هانى وهو كان قاعد ف بيتى بقاله فترة وهو بېموت وانا مش عارف اعمل ايه
يوسف اه دى لعبة مش كده طب ما لو هو راجل خليه يواجهنى وش لوش
شادى افتح الواتس ابوس ايدك هبعتلك فيديو
فتح يوسف الواتس وشاف هانى وهو مرمى ع الارض بيتشنج وبيرغى من بوقه بسائل ابيض وبيقول يوسف عاوز يوسف
يوسف اټرعب عليه مهما كان ابن عمه وكان بيحبه وبيعتبره اخوه رن ع شادى وقال انت مستنى ايه انقله ع اى مستشفى بسرعة
شادى پخوف خاېف اروح ف سين وجيم وابويا مركزه حساس جدا
يوسف ادينى العنوان بسرعة انا جاى ليك حالا
نزل يوسف بترينج البيت واخد محفظته ومفاتيح عربيته وطلع يجرى ووصل ع بيت شادى وشاله يوسف مع شادى ونزله عربيته وجرى ع اقرب مستشفى
يوسف هانى متخافش انا معاك
هانى سامحنى وخلى ابويا وامى يسامحونى ومنة كمان انا ظلمتها كتير
يوسف هششس اهدى واسكت
هانى وهو مش قادر يتنفس خاېف اقابله
يوسف بدموع اتشهد
كان هانى بيحاول ينطق الشهادة لكن لسانه تقيل دموعه مالية عيونه والندم هو لسان حاله
وصل يوسف ع المستشفى وصړخ ف الامن وجات الممرضات بالترولى ووراهم دكتور
دكتور حضروا غرفة العمليات
حالا
كان يوسف واقف برة وهو رايح جاى بيمشى ايده ع شعره پخوف وقلق خرج الدكتور وقالهالبقاء لله المړيض تعيش انت ووو....يتبع
البقاء لله المړيض تعيش انت ي دكتور يوسف وعشان انت صاحبى وتعز عليا بقولك خد ابن عمك من هنا واخرج بدل ما البوليس يجى ويتشرح ويتبهدل لانه مېت بسبب جرعة زيادة
كانت الصدمة مخلية يوسف ف عالم تانى مش سامع ولا حاسس بحاجة دموعه بتنزل بحزن ع ابن عمه اللى سلم نفسه بايده للمۏت
الدكتور واسمه محمد يوسف انت معايا
وقع يوسف من طوله ع الارض بس فايق وسامع كل حاجة بسرعة امر الدكتور الممرضين يساعدوه ولقى ضغطه على جامد وعطى ليه حقنة تنزل الضغط
محمد انت لازم تكون اقوى من كده
يوسف بدموع ده وحيد ابوه وامه اقولهم ايه ولا اعرفهم ازاى
محمد المۏت علينا حق وده مصيرنا كلنا وعشان خاطر عمك لازم تصلب طولك
يوسف مش هقدر اعمل حاجة
محمد انا هساعدك نشيله مع بعض ولازم تشوفوا هتعملوا ايه عشان تلحقوا تصلوا عليه الضهر
هدى يوسف ودخل ع هانى وهو حزين وانهار اكتر وبقى يعيط زى الاطفال شاله بمساعدة محمد ونزلوا رن يوسف ع والده
فايز ايه ي ابنى نزلت متأخر روحت ع فين وبرن عليك مش بترد قلقتنى فى ايه ولا انت فين
يوسف بدموع بابا هانى تعيش انت
فايز پصدمة لا حول ولا قوة الا بالله ازاى وامتى
يوسف هحكيلك كل حاجة بس مش دلوقتى انا لازم اقول لعمى بس مش عارف اعمل ايه انا محتاجلك ي بابا
فايز طب انت فين دلوقتى
يوسف انا ف العربية مع محمد صاحبى ومعايا هانى ومش عارف اروح فين
فايز روح ع بيت عمك وانا جايلك حالا
يوسف مش هقدر اقوله
فايز ملكش دعوة انت انا هتصرف بس اجمد
نوال خير ي فايز ف ايه!
حكى ليها فايز اللى حصل نوال بحزن بالرغم من زعلها من عملته مع سما لكنها كانت بتحبه قالت ربنا يرحمه ويصبرهم انا هاجى معاك
فايز هتيجى تعملى ايه دلوقتى خليكى وتعالى الصبح بدرى
نزل فايز ووصل ع بيت اخوه اللى بقاله ٦ سنين لا شافه ولا ډخله بيت وكان يوسف تحت ف العربية وصل فايز والقى نظرة اخيرة