اسكريبت حودايت أمير وصدفه كاملة بقلم الكاتبة المبدعة فاتن أسامة حصريا

التربيزة وبدأت تتكلم بإبتسامة
إعتبرت نفسي مامتك مش حماتك وقولت أجي أشوفك
بادلتها نفس الإبتسامة وقولت
_ إنتي ماما من يوم ما ډخلتي بيتنا وطلبتيني ل أمير
ملامحها إتبدلت فجأة وكأنها مترددة من حاجه
_ إنتي كويسة!
أنا أيوا أيوا كويسة قوليلي إنتي أمير عامل معاكي إيه!
ضحكت فجأة وأنا بقلب في فنجان القهوة وقولتها
_ سؤالك بقا أجاوبه من أي إتجاه
ضمت حواجبها وقالت بتساؤل
مش فاهمه
_ لا يعني من ناحية إنك عارفه إنه بيفكر في بنت تانية ولا من ناحية إنك كنتي عارفه إنك بتظلميني معاه وعادي برضو خليتينا نتجوز
سكتنا إحنا الإتنين كانت هتتكلم بس قاطعتها وقولت
_ تقبلي علي بنتك دا
ردت بنبرة هادية ممزوجة بحنية
شهد حبيبة أمير السابقة شوفتها بعيني وهي مع واحد في عربيته بيوصلها لبيتها ولما ركزت معاها وراقبتها فترة إكتشفت إنها بترسم علي إبني عشان تضحك عليه وتاخد منه فلوس بطريقتها وتتجوز هي والشخص إللي أنا معرفش هو مين أصلا
قولت بخضة
_ أكيد بتهزري
كملت بنفس النبرة وقولت
_ ومعرفتيش أمير الحقيقة ليه كان حتي يبطل يحبها زي الأول
خۏفت عليه من الصدمة وقولت لنفسي لو إتجوز هينساها وإنتي أعلي منها علما وخلقا وجمالا هيلاقي زيك فين!
_ القلب مش عليه سلطان يا ست زينب
قالت بحزن
أنا معرفش معرفش يا صدفه إيه المصېبة إللي إرتكبتها في حقك دي سامحيني يابنتي
ماما
كانت الكلمة طالعة من أمير بعد ما دخل فجأة من غير ما نحس بيه
للحظة قلبي إتقبض خۏفت يكون سمعنا
بس الحمدلله كان باين عليه إنه طبيعي
حط شنطته علي الكنبة ودخل جوا ياخد شاور بعد ما سلم علي ماما
مش سلام حار فيه حب كدا زي أي أم وإبنها
زعلت جوايا بسبب الفجوة إللي بينهم
ياريتني كنت أقدر أفتح عينك علي الحقيقة
بس هي مرة لدرجة متتحكيش
أوصت أمامة بنت الحارث الشيباني أبنتها يوم زفافها وقالت
1. الخشوع لزوجك بالقناعة وحسن السمع له والطاعة واجب عليكي تكوني له واحة وسكن عن حب وإقتناع مش حرب.
والرضي بما قسمه الله لك كل حاجة تكون بحب مش خوف.
2. اهتمي بنفسك عشا التفقد لعينيه وأنفه.
خليه يشوف فيك دايما كل الجمال ويشم منك الطيب بعد كل تعب.
3. إكبري دايما في عينه وقت الجوع والتعب.
خلي أكله كويس ونومه هادي الرجالة بتفقد أعصابها لما تكون بطنها فاضية أو عينها تعبانه من السهر.
4. إحفظي ماله كأنه مالك وولاده كأنك ملكيش غيرهم بصمتك في البيت هتكون بحسن التدبير مش بالكلام الكتير.
5. أسراره تحت رعايتك وأمانك وأوامره مجابه في الصواب
6. عيشي معاه بسعادة مش ضده.
لو فرح إفرحي لو مهموم كوني له السند مش عبء.