خطبه بعد الطلاق

بس مهنش عليه حتى يمثل.
قال لي نتطلق أحسن، وكل واحد يروح لحاله.
سكت.. وفي السكوت ده، حاجة جوايا اتسنت زي السکينة.
هو كان راسم خطة، وكان فاكر إني هصوت وأعيط وأذل نفسي، فيطلع هو الضحېة قدام الناس.
غلطان يا سوحا.
لما الورق جهز، مضيت بقلب مېت.
واحنا طالعين من المحكمة، كان وشه منور.
عدل الكرافتة بتاعته وبص لصورته في قزاز العربية وقال بضحكة صفرا أنا رايح لنوران، عيلتي عاملين لنا حفلة النهاردة بمناسبة الحرية.
هزيت راسي وقلت له يا رب تكون مبسوط.
بص لي بنظرة كلها تشفي وقال شكراً إنك انسحبتي بشياكة، مش كل الناس بتعرف إمتى تلم ورقها لما تخسر.
في خياله، أنا الخسرانة.. الست اللي اترمى طوبتها واتبدلت بواحدة أصغر.
اللي ميعرفوش، إني قبل ما أمضي ورقة واحدة، كنت نقلت ملكية كل طوبة في فيلا المعادي تحت مظلة الشركة القابضة بتاعتي.
وشركتي؟ دي ملكي من قبل ما أعرف وشه، ومحمية ب مېت قانون.
كل مليم وكل عقد كان متظبط بالمللي.. جراحة قانونية نظيفة.
ياسين كان مشغول وهو بيشتري لنوران خاتم ألماظ ب 150 ألف دولار يعني مبلغ وقدره بالمصري وبيحتفل بانتصاره الوهمي.. وأنا كنت بجهز ل صباحية مباركة.
لأني عمري ما هسمح لراجل عاش على حسي وحس أهلي وتاريخي إنه يمشي وهو فاكر إنه كسرني.
ومستحيل أسيب عيلته يتهنوا ببيت فاكرين إنهم نصبه عليا فيه.
تاني يوم الصبح، لما رحت خبطت على بابهم
ومعاي ورق الطرد والحقيقة اللي هتهد أحلامهم.. مفيش حد كان بيضحك.
أمه وشها بقى أصفر زي الكركم.
أبوه إيده بدأت تترعش وهو بيقرأ الصفحة التانية من العقود.
أما ياسين؟
ياسين بص لي كأنه شايف عفريت طالع له من تحت الأرض.. اكتشف إن الڼار اللي كان فاكرها رماد، كانت بس مستنية شوية هوا عشان تحرقه.
فتحت الشنطة بتاعتي بكل هدوء، وطلعت منها السېجار الصغير اللي كنت شايلاه للمناسبة دي. ولعته ونفخت الدخان في سقف الصالة اللي ياما اتهانت فيها كرامتي، وهما واقفين قدامي زي تماثيل الشمع اللي بتسيح من الحرارة.
إيه يا حماتي؟ قصدي يا مدام نوال.. مالك وشك جاب ألوان الطيف ليه؟ مش كنتوا بتحتفلوا بمناسبة الحرية امبارح؟
ياسين كان ماسك الورق وإيده بتترعش، صوته طلع مخڼوق وهو بيقول إيه الورق ده يا شيرين؟ إنتي أكيد بتهزري.. الفيلا دي إحنا عايشين فيها بقالنا سنتين، وأنا دافع نص تمن تجديداتها!
ضحكت ضحكة رنت في أركان المكان تمن تجديداتها؟ تقصد الفلوس اللي كنت بتسرقها من عهدة الشركة وتكتبها فواتير وهمية؟ ولا تقصد العفش اللي اشتريته بفيزا المشتريات بتاعتي اللي لسه مسددتش مليم من مديونيتها؟
قربت منه خطوة، وبقيت باصة في عينه مباشرة ياسين.. إنت كنت فاكر إنك شاطر، بس الحقيقة إنك كنت هوا. الفيلا دي وقف خيري لجمعية كفالة يتيم أنا بأسسها، والورق اللي في إيدك ده إخطار إخلاء رسمي بيمهلكم 24 ساعة..