رواية جديدة حكاياة فارس ووردة كاملة

فارس المحمدي ماكانش مجرد شاب غني
فارس كان اسم تقيل في عالم البيزنس.
عنده شركات في مجالات كتير، من العقارات للتجارة، واسمه بقى معروف في أماكن زي القاهرة الجديدة والشيخ زايد.
الناس كانت بتشوفه مثال للنجاح بس محدش كان شايف اللي جواه.
في الليلة دي كل حاجة انتهت .
عرف ان هو وخطيبته خلود مش مناسبين لبعض .
المواجهة كانت قصيرة
هي حاولت تبرر
بس فارس كان واقف ساكت، عينه فيها خيبة أمل.
وفي الآخر قال بهدوء موجع
أنا كنت فاكرك الوحيدة اللي بتحبني بجد طلعتي زيهم.
سابها وخرج.
من غير ما ياخد حاجة ولا حتى كرامته اللي كانت پتنزف.
ركب عربيته وساق
مش عارف رايح فين، ولا عايز يوصل لإيه.
الدنيا كانت بتمطر مطر تقيل، والشارع شبه فاضي.
نور الأعمدة بيكسره المطر، والدنيا شكلها حزين زيه بالظبط.
كان سايق على طريق شبه مهجور بين طنطا والقاهرة، وهو تايه في أفكاره
كل اللي في حياته طلعوا طماعين كله كان عايزه لفلوسه مش ليه هو.
ضغط على الدريكسيون بعصبية
وهمس لنفسه
هو مفيش حد حقيقي في الدنيا دي؟
وفجأة
لمح حاجة قدامه.
داس فرامل مرة واحدة.
بنت
بتجري!
حافية
هدومها متقطعة
وشعرها لازق في وشها من المطر
وبتعيط وهي بتجري كأن في حد بيطاردها.
قلب فارس خبط جامد.
قرب بالعربية منها شوية
والنور وقع على وشها.
كانت مړعوپة بشكل مش طبيعي.
وقف العربية فجأة قدامها، نزل بسرعة رغم المطر، وصوته خرج حاد من القلق
استني! إنتِ بتجري كده ليه؟!
البنت اټفزعت ورجعت لورا خطوة، وبتبصله پخوف، كأنها مستنية منه الأڈى.
قال بنبرة أهدى
ماتخافيش أنا مش هأذيكي.
لكن قبل ما ترد
لفت وراها بسرعة
وكأنها بتتأكد إن حد مش وراها.
وبصوت متقطع من العياط قالت
لو سمحت خبّيني
الكلمة دي
كانت كفيلة تغيّر كل حاجة.
فارس حس بحاجة غريبة جواه
مش شفقة ولا فضول
حس إنه واقف قدام سر كبير أو بداية حاجة هو نفسه مش فاهمها.
فتح باب العربية بسرعة وقال
اركبي.
البنت اترددت لحظة
بس صوت بعيد في الضلمة خلّاها تتحرك فورًا.
ركبت وقفلت الباب وهي بترتعش.
فارس لف بالعربية بسرعة وساق.
ومن غير ما يبص لها قال
اسمك إيه؟
سكتت ثواني
وبعدين ردت بصوت واطي جدًا
وردة
فارس شد على الدريكسيون
وقال لنفسه من غير ما يحس
واضح إن الليلة دي لسه مخبية أكتر من كده بكتير.
العربية كانت ماشية بسرعة، والمطر لسه بيخبط جامد على الإزاز، وصوت المسّاحات هو الحاجة الوحيدة اللي بتكسر الصمت بينهم.
وردة كانت قاعدة جنب فارس، مضمومة على نفسها، جسمها بيترعش مش بس من البرد، من الخۏف.
بعد شوية قالت بصوت مهزوز
لو سمحت نزّلني هنا.
فارس بص لها بسرعة باستغراب
أنزلك فين؟! إنتِ شايفة الجو عامل إزاي؟ والطريق فاضي وخطړ.
هزت راسها وهي بتحاول تمسك دموعها
مش مهم أنا كده كده مش عارفة أروح فين.
فارس سكت لحظة وبص لها كويس لأول مرة من غير توتر.
عيونها كانت مليانة ۏجع حقيقي مش تمثيل.
قال بهدوء
يعني إيه مش عارفة تروحي فين؟
الدموع نزلت منها ڠصب عنها، وقالت
جوز أمي طردني.
صوتها اتكسر وهي بتكمل
قالي ماليش مكان في البيت وإنه مش عايز يشوف وشي تاني.
فارس حس بحاجة بتضغط على صدره
كأن الكلام لمس چرح جواه هو كمان.
قال وهو بيركّز في الطريق
وأمك؟
ضحكت ضحكة مکسورة
ساكتة دايمًا ساكتة.
الصمت رجع تاني
بس المرة دي كان تقيل.
فارس كان بيفكر بسرعة.
حاجة جواه بدأت تتكوّن فكرة مچنونة بس مناسبة للي هو فيه.
وقف العربية فجأة على جنب الطريق.
وردة اتوترت وبصت له
في إيه؟
لفّ ناحيتها، وعينه فيها لمعة غريبة
أنا عندي عرض ليكي.
اتجمدت مكانها
عرض؟
قال بهدوء محسوب
اتفاق بيني وبينك.
سكت لحظة وبعدين كمل
تمثلي إنك خطيبتي.
وردة بصت له پصدمة
إيه؟!
فارس كمل وكأنه مرتب كل حاجة في دماغه
أنا هاخدك مكان آمن محدش يقدر يقربلك فيه. هتعيشي حياة تانية خالص لبسك هيبقى من أغلى الماركات شكلك شعرك كل حاجة فيكي