رواية ذئاب لا تعرف الحب الجزء الأول كامل بقلم منال سالم

لداخل الغرفة وهي تحمل كومة من الملابس المطوية ونظرت إلى ابنتها بإستغراب و...
أم بطة بنبرة متعجبة انتي بتكلمي نفسك يا بت
انتبهت لها بطة فأنزلت ذراعها واستدرات بجسدها للخلف وارتبكت ملامحها وترددت في إخبار والدتها بما يجيش في صدرها ...
وضعت أم بطة الملابس بداخل الخزانة و...
أم بطة بنبرة حماسية يالا يا عروسة جهزي نفسك بقى عشان يدوب نلحق نروح الكوافيرة ده النهاردة يومك .. انا خلاص خلصت كل اللي ورايا
مطت بطة شفتيها في تأفف و...
بطة وهي تتمتم بخفوت يوم اسود ومهبب..!
نظرت لها والدتها باستغراب ورفعت أحد حاجبيها و...
أم بطة بتعجب يا بت هو انتي هاتفضلي كده كتير تكلمي نفسك زي الهبلة
أخذت هي نفسا مطولا وزفرته بتعصب و....
بطة بتذمر هو أنا يعني لاقيت حد أكلمه وقولت ﻷ
أم بطة بعدم اكتراث بلاش حكي فاضي يالا لاحسن الوقت يسرقنا ومنلحقش شوفي هتاخدي ايه وانتي نازلة و آآ.....
لم تستمع بطة إلى كلمة أخرى مما تقولها والدتها فقد كان شاغلها اﻷكبر هو مصيرها الغامض مع زوج لم تعرفه جيدا ..
في النهاية قررت هي أن تخبر والدتها لذا تشدقت ب......
بطة متسائلة بجدية يامه ..هو اللي احنا بنعمله ده صح !
عبست ملامح وجهها أكثر قطبت جبينها و...
أم بطة بعدم فهم قصدك ايه
بطة بتردد يعني .. آآ.. انا ازاي هاتجوز وأنا عندي 16 سنة .. ده صح
أم بطة بصوت شبه حاد انتي جبتي الكلام ده منين !!
بطة بتلعثم أنا... أنا سمعت الكلام ده في .. آآ.. في التلافزيون
أم بطة وهي تمط شفتيها في سخرية هو في حد بيصدق كلام التلافزيون ده وبعدين الواد عبده مظبط كل حاجة مع المأذون فمتشليش هم يا بت .. ده انتي واخدة راجل ابن سوق
اكتسى وجهها بعلامات الحيرة وإزداد إنعقاد حاجبيها و ...
بطة متسائلة بتوجس ازاي يعني تقصدي ايه يامه !!!
ارتسمت ابتسامة مغترة وواثقة على وجه أم بطة ولوحت بيدها في تفاخر و...
أم
بطة بصوت واثق هو هايكتب ورقة جواز كده بس مش هاتتسجل في الدفتر إلا لما تتمي 18 سنة
بطة وهي تفرغ شفتيها بإندهاش ايييه !
أم بطة متابعة بتفاخر والمأذون مننا وعلينا وبعدين هو الجواز ايه غير اشهار والكل يعرف وأدينا عازمين الحبايب كلهم
بطة بنظرات مصډومة ونبرة مدهوشة بس .. بس ده غلط
أم بطة بعدم مبالاة غلط ايه يا بت .. ده الكل ماشي كده هنا هو احنا هنعمل حاجة غريبة
بطة بنبرة محتجة طب ليه مانستناش أشوية وأبقى اتنيل اتجوز .. ولا حتى لما أخلص الدبلون
أم بطة بصوت ضائق هو أنا لسه هاستنى كل ده بلاش قرف !! أنا عاوزة اخلص من كوم اللحم اللي ورايا
بطة بإحتجاج أشد وهي تشير بيدها بس يامه كده حقي هايضيع !
أم بطة باستغراب ايه حقك يضيع !!!
بطة وهي تصر على أسنانها أيوه ..
أم بطة بصوت جاد يحمل التهكم حق ايه اللي هايضيع ! هو كان هيتجوزك في الدرى ماهو عامل ومكلف فرح أد كده وعازم القريب والغريب عشان يعرفوا
بطة بإعتراض واضح يامه ده مش قانوني كده مش هيبقالي أي حقوق شرعية
أم بطة بإندهاش أشد قانوني وشرعي ! بت انتي ده مش كلامك
بطة وهي تزفر في ضيق يوووه .. مهما قولت برضوه انتي مش هاتسمعيني
ثم تحركت مبتعدة عن والدتها ولكن أمسكتها اﻷخيرة من ذراعها وقبضت عليها بشدة ثم هزتها پعنف وهدرت هي ب.....
أم بطة بزمجرة عالية انطقي يا بت مين ملى دماغك بالكلام الفاضي ده !
بطة بحنق محدش
أم بطة بصوت يحمل الټهديد ﻷ بقى قسما بالله لو ما نطقتي وقولتي مين لعب في دماغك ﻷجيبك تحت رجلي وأنسل الشبشب ده نسايل على دماغك
ثم قبضت أكثر على ذراعها وانحنت بجسدها لﻷمام لتأتي بفردة شبشبها فنظرت لها بطة پخوف وأدركت أنها أخطأت حينما ظنت أن والدتها من النوع الذي يقبل المحاورة ...
أم بطة بتوعد هو انا ناقصة فضايح !
بطة بصوت متلعثم دي .. دي هاجر يامه اللي قالتلي كده
ألقت أم بطة بشبشبها على اﻷرض ورمقت ابنتها بنظرات غريبة و...
أم بطة وهي تلوي فمها في استنكار هاجر !!
بطة بضيق ايوه هاجر
مطت أم بطة شفتيها في سخرية و أرخت قبضة يدها عن ذراع ابنتها ورمقتها بنظرات حنو زائف و....
أم بطة بصوت خاڤت ولئيم يا عبيطة وهو في واحدة عاقلة ومخها يوزن بلد زيك تصدق كلام الفقرية دي .. يا بت دي معنسة وغيرانة منك
بطة بصوت جاد لا يامه ده أبوها اللي قالها كده
أم بطة بمكر وهو اللي يقولك اي حاجة تصدقيها .. انتي كنتي معاها !
بطة بإيجاز ﻷ
أم بطة بنبرة مهينة دي واحدة مصدية محدش عمره هايبص في وشها اللي يقطع الخميرة من البيت ..هي بتقول كده عشان تخرب
عليكي
ثم وضعت يدها على كتف ابنتها ومالت برأسها نحوها و...
أم بطة بخبث خليكي ناصحة يا بت وبصي لمصلحتك وسيبك من البنات النحس اللي مابيجيش من وراهم غير الهم والغلب ..
أخفضت بطة عينيها للأسفل بينما ربتت والدتها على ظهرها و ....
أم بطة بصوت خاڤت يالا يا بنتي ربنا يهديكي .. البسي يالا وشيلي كلام البت بنت ال دي من دماغك
هزت بطة رأسها موافقة بالرغم من عدم اقتناعها بالمبررات التي تقولها والدتها .. ورسمت على وجهها ابتسامة زائفة و..
بطة باستسلام حاضر يامه ... انا هالبس
أم بطة بفرحة جلية ياختي اسم الله والحارس الله ..تسلميلي يا بنت بطني
ثم احتضنت ابنتها وقبلتها من وجنتيها وسارت في اتجاه باب الغرفة ..
بطة بنبرة مليئة بالتحدي مافيش قدامي غير إني أفركش الجوازة دي بمعرفتي ..!!!!
الفصل الرابع والعشرون
في سرادق ما كبير على مدخل الحارة
أنتهى معظم الرجال المتواجدين بداخل وحول السرادق المقام لحفل زفاف الليلة من العمل فيه وتبقى فقط تعليق بعض الزينات واﻷضواء الكهربائية على مداخله وأيضا على واجهات البنايات الملاصقة ...
في حين وضع رجلين أخرين الكوشة الخاصة بالعروسين وقام شابين صغيرين برص المقاعد والطاولات الخشبية على الجانبين ..
في حين انحنى رجل ضخم البنية بجذعه للأسفل لكي يضع السجاد الخاص بالعرس على الإسفلت ..
كذلك تم ڼصب مسرح خشبي واسع وتجهيزه بمعدات الفرقة الموسيقية التي ستتولى إحياء تلك الليلة ....
وقف شاب ما في منتصف السرادق واضعا قبضتي يده في جيبي بنطاله الجينز وموليا ظهره لمعظم المتواجدين ثم أخرج إحدى قبضتيه ومررها على فروة رأسه المجعدة ومن ثم الټفت بجسده للجانب فظهرت ملامح وجهه السمراء وحاجبه المعقوف ورموشه الكثيفة وذقنه شبه الحليقة ثم أشار بيده ﻷحد اﻷشخاص وغمز له وهو يبتسم و...
الله ينور يا باشا
الټفت له أحد العاملين وهز رأسه موافقا ثم هدر عاليا ب...
مبروك يا عريس .. وعقبال البكاري
ابتسم له عبد الحق ابتسامة سخيفة ثم أومىء برأسه وتحدث بهدوء ب ....
في حياتك إن شاء الله وتبقى تعملهم الصوان ده
نعملك أبوه يا باشا .. انت أؤمر بس
رفع عبد الحق يده عاليا ليحيه ثم أخفض رأسه قليلا و...
تسلم ياخويا
ثم سار في اتجاه مخرج السرادق وهو هاديء الملامح ومن ثم أخرج هاتفه المحمول ونظر في شاشته فتبدلت قسمات وجهه للضيق و...
يا دين النبي الوقت جري بسرعة ده أنا يدوب ألحق استحمى وأطلع ع الواد سمير الحلاق يسنجفني
بداخل صالون التجميل الشعبي الخاص بالسيدات
أخرجت بطة فستانها من الحقيبة البلاستيكية التي تغلفه ورفضت أن تعاونها أي من الفتيات المتواجدات بداخل الصالون في ارتدائه .. ورغم الحيرة التي كانت بها إلا أنها تمكنت في النهاية من إرتدائه وتبقى فقط إغلاق السحاب
خرجت بطة من المرحاض وهي تحمل أطراف فستانها ولم تعبأ بنظرات الدهشة الممزوجة بالصدمة على أوجه الحاضرات ..
سارت هي بخطوات واثقة في اتجاه المقعد المخصص لتزيين العرائس ونظرت إلى مصففة الشعر نسرين بنظرات جادة وتشدقت ب...
أنا جاهزة
أشارت لها نسرين بيدها لكي تنحني قليلا للأمام و...
هاتي أما اقفلك السوستة يا عروسة
أومأت بطة برأسها موافقة ثم مالت للأمام و..
ماشي
رفضت هي أن ترتدي بادي من قماش الساتان أو الدانتيل كي تغطي جسدها .. نعم لقد تعمدت أن تستفز خطيبها بهيئتها تلك حتى تأخذه حمية الرجل الشرقي فيتركها على الفور وينهي تلك الخطبة دون أي عناء يذكر ..
كانت تلك هي خطتها البسيطة التي هداها عقلها إليها ..
أمسكت نسرين
بخصلات شعر بطة وبدأت في تمشيطه استعدادا لتزينها فتأوهت الأخيرة من اﻵلم ووضعت يدها على رأسها وصړخت بإستنكار ب...
ايييه ما بالراحة يا نسرين ده شعري مش سلك ألمونيا ..! ماتشديش جامد !!
أرخت نسرين أصابعها قليلا عن فروة رأسها و ابتسمت لها ابتسامة مجاملة وهي تمضغ العلكة و...
حاضر يا عروسة
ثم أمسكت بجهاز الاستشوار ومكواة الشعر الكهربائية وبدأت في تصفيف شعر بطة وفرده .. فشعرت اﻷخيرة مجددا بالحرارة الساخنة تلسع أذنيها وټحرق فروتها فاستدارت بوجهها للخلف ولوت شفتيها في تذمر و...
جرى ايه يا نسرين ما تحاسبي شوية عليا
وربنا ما عملت حاجة يا عروسة ده الششوار هو اللي سخن
أشارت لها بطة بإصبعها محذرة و..
طب وطي الحرارة شوية محدش قالك إني عاوزة أتشوي
مطت نسرين شفتيها للأمام في امتعاض وهي وتهز رأسها موافقة ونفخت بالونة بالعلكة ثم قامت بطرقعتها و..
طيب .. من عينيا
في المقر الرئيسي لشركات الجندي للصلب
طرق شخص ما تبرز علامات الشيب على رأسه بقوة على سطح مكتب السكرتيرة قم لوح بيده في الهواء بعصبية وهو يهدر ب...
يعني ايه سافر
تنحنحت السكرتيرة في حرج ثم أجفلت عينيها قليلا و..
يعني مش موجود يا فندم
تملك الانفعال من سامي وقطب جبينه بشدة وصدح بضيق ب....
هو لعب عيال ده أنا عمه مش موظف شغال عنده عشان يلغي كل حاجة كده من غير ما يقولي ...!!!
رمقته السكرتيرة بنظرات قلقة بعد أن ابتعدت خطوة للخلف وبنبرة رقيقة تحدثت ب....
اهدى يا سامي بيه .. حضرتك عارف إن أوس باشا بإيده كل حاجة وهو اللي بيقرر هايعمل ايه ..
مش هاهدى وبلغي البيه اللي مشغلك إن سامي الجندي هايدفعه تمن اللي عمله معايا غالي أوي....!!!
ثم حدجها بنظرات محتقنة من عينيه الحمراوتين والټفت بجسده للخلف ورحل وهو يغمغم بغيظ ..
بداخل صالون التجميل الشعبي
ولجت إحسان ومعها هنية إلى داخل الصالون وهما ترتديان عباءتين مزدانتين باللآليء اللامعة في منطقة الصدر وعند اﻷكمام من اللون اﻷسود ..
مطت إحسان شفتيها في تأفف ورفعت حاجبيها في ترفع و..
سلامو عليكم
استدارت نسرين في اتجاه مصدر الصوت وابتسمت ابتسامة زائفة وهي تتحدث بهدوء ب...
وعليكم السلام .. اتفضلوا
إشرأبت هنية بعنقها للأعلى في محاولة منها للتطلع إلى ملامح العروس بعد أن