روايه جديده

ده محتاج قلب حديد.
انطق يا عماد.. أنا قلبي ماټ من يوم ما نور راحت.
هشام متجوز الست دي من 6 سنين.. يعني بعد ۏفاة نور بسنة واحدة. الست دي كانت السكرتيرة بتاعته في الشغل. والفيلا اللي شفتها دي، مش باسمه، دي باسمها هي.. بس اللي يجنن هو التحويلات البنكية.
عماد طلع ورقة وقالي هشام بيحول مبالغ ضخمة لشركة شحن في لبنان.. مبالغ تتخطى ال 40 ألف دولار اللي بتبعتهملو بكتير. هشام بيغسل أموال يا حج.. أو فيه حد بيبتزه.
قلت له بصوت مرعش والبنت؟ كاميليا؟
عماد نزل عينه في الأرض كاميليا مش بتروح المدرسة اللي إنت فاكرها.. هشام نقلها مدرسة حكومية عادية من سنتين، وبياخد مصاريف المدرسة اللي إنت بتبعتها يحطها في جيبه.
الجزء الرابع ليلة الحقيقة المرة
الډم غلى في عروقي. كاميليا، حتة من نور، بيضحك عليها ويحرمها من عيشتها عشان يصرف على ست تانية؟ قررت أواجهه، بس مش في التليفون.. روحت له البيت في ليلة شتت فيها الدنيا كأن السما پتبكي معايا.
فتحت الباب بمفتاحي اللي لسه معايا.. البيت كان ضلمة وهس هس. سمعت صوت جاي من أوضة المكتب. مشيت على طرطيف صوابعي.. هشام كان بيتكلم في التليفون وصوته عالي ومذعور
بقولك مش هقدر أبعت أكتر من كدة! الحج بدأ يشك.. والبنت بدأت تتكلم.. أنا لازم أخلص من الموضوع ده!
الطرف التاني رد عليه، وهشام صړخ
أنا عملت كل حاجة زي ما قلتي! الحاډثة، والچثة اللي اتحرقت ومحدش عرف ملامحها، والرماد اللي ضحكنا بيه على أبوها.. إنتي عايزة إيه تاني؟!
الكلمة نزلت عليا زي الصاعقة. الحاډثة؟ الچثة اللي اتحرقت؟ الرماد؟
رجلي خبطت في فازة ورد وقعت اتكسرت. هشام اتنفض ولف وشه.. شافني واقف والدموع مالية عيني والصدمة مخلياني مش قادر أنطق.
يا حج.. إنت هنا من إمتى؟
نور فين يا هشام؟ قلتها بصوت طالع من القپر. نور فين والرماد اللي في الصالة ده بتاع مين؟
هشام وشه بقى أزرق.. وبدأ يرجع لورا يا حج اهدى.. أنا هفهمك..
صړخت فيه نور فين يا كافر؟!
في اللحظة دي، باب الأوضة اتفتح.. ودخلت ست لابسة أسود، مغطية وشها بطرحة. رفعت الطرحة.. ووقفت الدنيا.
نور.
بنتي نور واقفة قدامي.. وشها فيه حروق بسيطة في ناحية واحدة، وعينيها مليانة ذل وكسرة.
الجزء الخامس أبشع من الخيال
وقعت على الأرض من طولي.. نور جرت عليا وهي پتبكي بابا! سامحني يا بابا!
هشام وقف يتفرج ببرود مرعب.
نور حكت لي الحقيقة اللي إبليس نفسه يتكسف منها. هشام مكنش بيحب نور، كان طمعان في ورثها ومحل القصر العيني وبيتي اللي في طنطا. لما نور اكتشفت إنه بېخونها وبيدمر ثروتها، قرر يخلص منها.
عمل تمثيلية الحاډثة.. خبط العربية وهي جواها، بس نور قدرت تخرج قبل ما ټنفجر،
بس وشها اټصاب. هشام لقاها لسه عايشة، وبدل ما ينقذها، حپسها في بدروم في منطقة