رواية الكوشة كاملة لجميع فصول بقلم TiRo

1
هتحضري فرحه إزاي!
أنا اللي عاملاه!!
إزاي يعني
هي كلمتني هي خطيبته أنا كلمتها و أنا ماعرفهاش اكونت مافيهوش أي علامة على أي حاجة ادتني معاد في القاعة اللي هيعملوا فيها الفرح و أنا روحت زيها زي أي حد بيكلمني أروح أعمله فرحه روحت يابتي و عينك ما تشوف إلا النور أبص كده ألاقيه هو اللي قاعد معاها.
هو العريس
امال أبوها يعني!
و ماكنتيش تعرفي
أعرف إزاي!
أنا عارفة إنه خاطب اه و عارفة اسمها فعلا بس ماعرفش شكلها و مش كل واحده تكلمني بنفس الاسم هتبقى هي يعني ماكنتش هخمن كده!
و هو عمل ايه لما شافك
اما قابلتهم أول مره ف القاعة فهمت منهم إنها هي اللي أشترطت إني أنا اللي أعمل الفرح قايلاله في واحده شاطرة بتابعها على التيك توك بتعمل ديكور القاعة حلو قوي بس مقالتش اسمي قدامه.
هي عارفة اللي بينكم!
ماعرفش حكى ليها و لا ايه بس غالبا لأ هي كلمتني على أساس إني Wedding planner شاطرة و مشهورة لكن ماتعرفش اللي كان بيني و بين خطيبها اللي النهارده هيبقي جوزها!
سبحان الله يعني مهنتك اللي بتحبيها تبقي سبب ف كسرة القلب دي!
لا كسرة القلب دي كانت زمان يوم ما سابني لكن لما شوفتهم سوا ماتهزتش كتير أكيد يعني الحياه مش بتقف على حد كان لازم يخطب و يتجوز من بعدي شيء طبيعي! عجلة الحياة بتدور لما الناس بټموت مش هتدور لما يتفارقوا!
و بعدين ماكنش حب حقيقي عشان الحياة تقف من بعده!
ياسلام!
شوف مين بيتكلم!
أنت اكتر واحده الحياة واقفة عندك بدليل إنك رافضة أي ارتباط و رافضة تتخطبي من ساعة ماسبتوا بعض!
مين قال إني رافضة الحوار!
أكيد لأ!
يا هدى يا حبيبتي.. أنا بعتبر الحب و الجواز ده معجزة جميلة
تخيلي أخيرا الإنسان من بين كام مليون إنسان وجد إنسان تاني شبهه و عارف يعيش معاه!
هي الحكاية سهلة!
ده أنا أعرف ناس تحت سقف بيت واحد و أهل يعني و عيلة مش راجل و مراته و مشكلة حياتهم الأزلية إنهم مش عارفين يتناقشوا سوا!
نقاشتهم كلها بتقلب خناقة!
تخيلي تلاقي إنسان تفهموا بعض بسرعة و حنية!
أكيد مش رافضة المعجزة دي!
امال مين اللي بترفض تكلم الناس و تتعرف بيها!
مش رفض صدقيني يا هدى هو تأجيل مش أكتر أنا مأجلة الحكاية بس مش عايزة أي ارتباط دلوقتي.
ليه
عايزة أوصل ل هدف معين و وقتها ممكن أوافق على الخطوة دي.
ايه بقي الهدف العظيم اللي مأجلة الإرتباط عشانه!!
هو الشيء اللي كنت مرتبطة بيه زمان ده سيبته ليه!! أو هو يعني سابني ليه
أحكي أنت!
سابني عشان لما اتخانقت معاه قالي أنت فاكراني صنايعي من اللي بيشتغلوا تحت ايدك!
ده عشان عندي فريق كامل نصه رجالة بيشتغلوا معايا
من مصورين و كوافيرات و بتوع إضاءة و بتوع ورد و ناس ياما و كان رافض الشغلانة من اساسها و كل شوية يقولي أنا ماقبلش مراتي تشتغل مع رجالة!
امال اشتغل مع كرتون يعني و لا ايه مش فاهمة!
كان بيتلكك بحوار إنه غيران
بس بعد ماسبته اكتشفت إنه فاكس غيرة هو كان خاېف إني أعلى عليه في يوم أكون متحكمة في بيتي زي مامتحكمة في شغلي!
مايعرفش إني عايزة ارتبط أصلا عشان ألاقي حد اسمع كلامه و أقوله حاضر
تلكيكة ورا تلكيكة سبنا بعض
مش عايزة بقي ارتبط تاني غير لما ابقى أشهر و أنجح مصممة أفراح في مصر كلها
عشان لما يجيني حد يبقى عارف دي مين و يقبلني على أساسه و مايجيش يقولي لأ سيبي و اقعدي.
كل ده ف دماغك!
امال يعني أنا أشتغل كل السنين دي ف شركات تنظيم الأفراح و أتبهدل عشان أوصل ل حلم شركة خاصة ب اسمي و يجي واحد يقولي أهدمي كل مستقبلك و حلمك و أنسي كل الأيام اللي تعبتي فيها و كل ده ب أمر الحب!!
مش ممكن يابت يا حورية واحده تسيب حياتها و شغلها عادي عشان واحد بتحبه
في اللحظة دي عرفت هدى بتقول كده ليه عشان ده تفكيرها أخويا عايز يتجوز واحده مش بتشتغل و هي للأسف بتحبه فبتفكر تسيب شغلها عشانه ف قولت أنصحها بالمره.
الكلام ده يا هدى لو بتشتغلي عشان الفلوس و لا بتشتغلي و أنت أصلا مش عايزة و لا حابة لكن لو جربتي يبقالك حاجة روحك متعلقة فيها بقالك سنين بتحلمي توصليلها هيبقي صعب تتخيلي إجابة سؤال زي ده.. يابت أنا شغلي مش شغل قد ماهو هوايتي فاكرة زمان لما كنت برسم!
أنا دلوقتي بقيت ارسم شكل الكوشة و القاعة بتاعت الفرح فعلا بس برسمها على أرض حقيقية مش بس على ورق!
بس أنت مش مديه ل حد فرصة إنه يتقربلك عشان تعرفيهم حتي!
هدى يابنت خالتي لو أمي مسلطاك عليا روحي قوليلها لسه شوية على حورية.
يكون الوقت فات!
فيه ايه يا هدى هو احنا طالعين رحلة يا حبيبتي!
اه طبعا يا لحقتي يا ماتلحقيش!
أنا مافيش حاجة هتفوتني.. الحب نفسه هتفوته حورية و يبقى يا خسارته من غيري!
و يلا عايزة ألبس عشان أنزل للفرح.
أنت هتروحي النهارده!
بلاش يا حورية وحياة أمك بلاش.. أنت كل الأيام اللي فاتت بتشتغلي في القاعة مع الفريق بتاعك و ماحدش فيهم قدامك لكن المره دي هيبقوا قدامك و هتشوفيهم و هما عريس و عروسة و أكيد هتفضلي تتخيلي حاجات و اعذريني يوم زفافك ماقدرتش افرح زيهم!
لا ياشيخة!
طب قومي البسي.
هو أنا هروح معاك!
مش بتحبي تتفرجي!
إحساس مش هين بردو إزاي يعني كنا بنحلم ب اليوم ده سوا فجأة أصحي من الحلم و واحده غيري تلعب الدور مكاني!!
بس دي فكرة عبثية ممكن تيجي لبنت عندها ١٧ سنة حبيبها سابها
لكن أنا مسيطر عليا إحساس من تقبل الأمر الواقع و التعامل معاه عادي دي مش أول مره أشوفهم سوا و بعد ما كان بيحكم عليا أسيب شغلي جه لحد عندي هو و خطيبته يطلبوا مني إني أشتغلهم و أعملهم فرحهم!
مش مضايقة و مستعدة ألعب لعبة شيقة النهارده!
الكوشة
TiRo
2
روحنا الفرح..
قابلت ناس كتير هناك
و سلمت على العروسة و اتأكدت إن الفرح عاجبها و ماشي زي ما هي عايزة بالظبط!
هي كانت مبسوطة و بتنادي صحابها و تقولهم
أهي الفنانة اللي عملتلي فرحي
كان بيتلفتي ب جنب عينه و مايقدرش يكمل النظرة فيغير إتجاه نظره.
مش مضايقة إني حضرت فرحه على قد مانا فرحانة إن القدر سمح له يشوفني تاني شافني و أنا ناجحة ف أكتر شيء كان بيحاربني فيه!
بالصدفة لقيت هدى وخداني من ايدي و بتعرفني على بنت..
دي بقي الفنانة اللي عملت الفرح العظيم ده.
كانت بنت و معاها شخص جنبها استغربت أصلا إن هدى تعرف حد في الفرح!
البنت كان شكلها شيك قوي و جميلة ماقدرش اقول غير كده بس غريبة
القبول برضو مش ب إيدنا.
ماكنتش حاسة بقبول من ناحيتها رغم إني لسه ماتكلمتش معاها!
أنت اللي بيحكوا عليك!
مافهمتش يعني ايه أنا اللي بيحكوا عليا
بيحكوا عليا ماسكين سيرتي و لا ايه يعني مش فاهمة!
سألتها!
بيحكوا عليا إزاي مش فاهمة
الشخص اللي معاها رد عليا كأنه بيحاول يلحقها أو يحسن الموقف.
رويدا تقصد إننا أول ما دخلنا الفرح سامعين الناس بتتكلم عن اللي عملته و معجبين جدا بيه.
البنت اللي معاه بصت له بصة!
غالبا أول ماهيخرجوا هتتخانق معاه.
اه أنا ال Wedding planner.
ردت هي و كأنها قاصدة تضايقني.
يعني معقول نبقى نشوفها قبل فرحنا!
فهمت إن اللي معاها ده خطيبها بس استفزتني قوي كلمة نبقى نشوفها ايه السخرية دي!!
لكن برضو الشخص اللي معاها شكله ذوق أكتر منها و بيحاول يلحقها قبل ما تعك في الكلام و تجيبله المشاكل.
رويدا تقصد إننا هنتجوز كمان شهرين في لو وقتك يسمح ممكن نكلمك و نتقابل و نتفق على الفرح.
ضحكت ضحكة سخيفة و ردت عليا.
عقبالك و لا أنت مرتبطة!
رديت بضحكة أسخف
لا مش مرتبطة.
هي برضو لسه مصممة تضايقني.
أنا قولت كده برضو.
ماقدرتش اسكت و اللي يحصل يحصل يارب الفرح يبوظ على دماغ الكل.
هو ايه باين عليا و لا ايه
يعني أصل لو مرتبطة كان زمانك واقفة جنب حد غير هدى أكيد.
و ضحكت بنفس السخافة و هي بتبص لخطيبها و تتشعبط في دراعه بزيادة.
بصيت لهدى و أنا عايزة اخبطها على دماغها و عايزة اعرف مين دول و هي تعرفهم منين!
بس لازم أرد عليها رد يجيب أجلها.
ماهو لو على الوقفة مع واحد أنا ممكن أقف مع كتير بس أنا مش هتخطب عشان ألاقي إكسسوار أدخل بيه المناسبات و أتشعبط ف دراعه.. عن اذنكم.
رمتلها الكلمة و مشيت..
يعني أنا جاية و دايسة على نفسي ف ألاقي أنثي الهاسكي دي ف وشي!
حوش عبيدك عن عبيدك يارب
مشيتي ليه!
مش كنتي واقفة مع رويدا و خطيبها!
أنت هبلة يا هدى!
يارب قالب طوب يقف على دماغها
مين اللى خلتيني اقف معاهم دول!
اوعي تكوني عكيتي معاهم!
عكيت ايه!
ده ثواني و كان الإسعاف هيجي يشيلها هي و اللي معاها عشان كنت هرتكب چريمة و هضربها.
يخربيتك يا حورية.
بلا قرف يا شيخة ناس مابتفهمش.
عارفة اللي مش عجباك دي تطلع مين!
و لا خطيبها مين!
هيطلعوا ايه يعني
رويدا دي بنت مستشار كبير قوي و خطيبها ده رتبة عالية برضو ماعرفش ايه بس حاجة كبيرة أكيد.
خطيبها اللي أنا قولت عليه اكسسوار
قولتي عليه ايه
سيبك سيبك تعرفيهم منين دول!
كانت معايا في الكلية و انتهزت الفرصة إني أكلمها هنا عشان أعرفك بيها و تعمليلها فرحها.
و لا الهوا و لا هتكلمني اصلا بعد النظرات اللي كنت برميها ليها من تحت لتحت كده دي عيلة و لا ليها لازمة اهو أنا اضايق و يتحرق دمي من النماذج اللي بيشوفوا نفسهم على باقي البشر لمجرد مراكز و غنا أهلهم يعني هي أبوها مستشار
هي بقى ايه!
مش الأحق انها تشوف نفسها على الناس بحاجة هي عملتها من نفسها مثلا!
خسارة يا حورية و الله كان نفسي تتعرفي بيهم و تعملي الفرح ده هيبقى غير أي فرح عملتيه.
على ايه يعني
أنت عبيطة يابت!
فرح بنت مستشار و جوزها أكيد ظابط كبير يعني لو عجبهم الفرح هيعتمدوك في كل مناسبتهم تخيلي لما تبقى دي الفئة اللي بتشتغلي معاها!
هينقلوك في حته تانية!
كلامك مقنع بس البنت مستفزة قوي كنتي متحملاها إزاي دي صاحبتك!
مش صاحبتي قوي يعني أنا بتلزق فيها بصراحة.
طب امشي يا هدى يلا نروح هو فرح منيل على أصحابه.
اليوم عدي و الفرح خلص بس بعدها ب أسبوعين يمكن تلاتة لقيت هدي بتكلمني بتقولي إن رويدا كلمتها و طلبت رقمي!!
و هتجيني الشركة عشان يبدأوا في تجهيز الفرح!
أنا مش عايزة أعمل فرحهم دول ب الذات البنت مش سوية و كانت متعمدة تضايقني يارب يختلفوا مع الشركة قبل ما أشوفهم.
لكن للأسف اتفقوا مع الشركة
في كل حاجة.
عدي يمكن