رواية الكوشة كاملة لجميع فصول بقلم TiRo

كلام مع حد و مايقفلش منك و لا يفصل خليه يتكلم عن حلمه و طموحه!
و إبراهيم كان ذكي
بالتدريج على الواتساب
سؤال يجيب سؤال
و كل مره بقول لنفسي لازم أجاوب إجابة مختصرة و غامضة عشان أكون طول الوقت قدامه زي اللغز
عشان يفضل محتار في أمري
عشان لو بجد بيفكر فيا مايزهقش مني بسرعة
و لو بيتسلى بيا و بكلامي
ابقى ماخسرتش حاجة و ماقولتش كل معلوماتي و أسراري لواحد بيتسلى!!
على فكرة أنا هتخطب.
ده قرار قررتيه لوحدك!
لأ أخويا جابلي عريس و أنا موافقة.
شوفتيه!
لأ بس موافقة.
ايه الهبل ده
مش تشوفي العريس الأول و تقرري رأيك!
مانا أكيد هشوفه بس أنا موافقة بالمبدأ عموما مبدأ إن في عريس و إني هنزل و هقابله و هتعرف عليه أنت إزاي مش متفاجئة بقراري ده و إني كنت رافضة أي حاجة زيك!
يمكن أمك عرفت تأثر عليك بدل ما هي مش عارفة تأثر عليا!
ماحدش يقدر يأثر عليا غير واحد بس اللي قدر يخليني اغير قراراتي.
مين
زفت وائل.
زهقتي مش كده!
هقعد كده لغاية امتى!
أنا زهقت و تعبت
هو ايه لوح تلج!
ليه الرجالة بجد!
بنت و محترمة و بنت ناس و هتصونك..
ده أنا يا حورية بمشي ابص في الأرض و بحس إنه حرام لو عنيا جات في عين راجل تاني في الشارع بالصدفة
تخيلي امال لو لبست دبلته هعمل ايه!
يا حورية ده أنا بشوف بنات متجوزين و عادي ليهم أصحاب رجالة و بيتصوروا سوا
تصوري!!
متعلمة و شكلي جميل ده أنا و الله مش غرور بس كل مره أنزل الشارع بيجيني عريس مش بيعدي الأسبوع غير لما يبقى في واحد متقدملي!
و متعلمة و لو عايزة اشتغل هشتغل بس مش راضية عشان عارفاه مش عايز يتجوز واحده بتشتغل!
بس وبعدين
هقعد شبه البضاعة المعروضة و مش لاقية مشتري ل امتى!
خدي بالك بس و أنت بتقابلي العريس لو طلع مناسب و كويس قبل ما تتخطبي ليه اتأكدي إن قلبك خالي من أي مشاعر ل أي حد هتتعذبي قوي يا هدى لو قلبك مع واحد و الواقع عايشاه مع واحد تاني!
يانهاري!
تفتكري ممكن يجي وقت عليا و ابقى زي البنات اللي بتنزل على الجروبات
يا بنات أنا مخطوبة و اللي كنت بحبه في الأول رجع يكلمني و أنا رجعت أفكر فيه
ممكن يجي عليا وقت أحس ب ده!
عشان كده بقولك افحصي مشاعر قبلك بدقة شديدة قبل ما تتورطي في أي علاقة.
غلبانة هدى و صعبانة عليا
يارب العريس يكون كويس و يحسسها إنها تستاهل تتحب و يتحاول عشانها
نفسي هدى تحس بالمشاعر دي
لإن طول عمرها بتحاول
عمرها ما جربت يتحاول عشانها
حد يحاول يكسب ودها و يفتح كلام معاها و يشغلها!
طبعا حاجة زي كده في عيلتنا مش هتستخبى كلنا عرفنا إن هدى نزلت تقابل عريس و كل خالاتي كلموهم بعد المقابلة عشان يعرفوا تفاصيل العريس
حتى أمي!
هدى شكلها هتوافق على العريس و هتتخطب.
يارب.
عايزة أعرف إزاي ليل نهار بايتة في بيتنا و معانا في الدخول و النزول طول الوقت و في الآخر رايحة توافق ب واحد غريب.
ياسلام!
لقيت هي حد قريب اتقدم لها يعني و اعترضت!
طلعت مش عايزة القريب ياختي و نزلت تقابل واحد من بره خالص و هتوافق عليه.
لا يا ماما ماتقوليش هي مش عايزة.. هي مالقتش القريب مهتم بيها!
عايزاه تقعد لغاية امتى مستنياه يرضى عليها بنظرة!
ولدك مش في دماغه
و على فكرة زي ما هي هتوافق بالغريب برضو هو مش عايز يرتبط من جوا العيلة و شكله مرتبط بواحده غريبة.
أنت عرفتي منين
مكالمات طول الليل مش بتحسي بيه!
أنا بس كان نفسي يبقوا لبعض البنت غلبانة و مننا و مش هتيجي علينا في أي حاجة و ابوها و أمها غلابة نضمن احنا أهل الغريبة دول هيطلبوا مننا ايه!
ابنك كبير و يتحمل المسئولية.
و أنت مش كبيرة برضو و لا أنا خلفت وائل لوحده!
على ايه مش فاهمة!
خدي بالك أنت مش حاسة ب عدم الارتباط و إنك لوحدك عشان هدى كانت مشجعاك حالا تتخطب و تنساك خالص اياك فاكرة إنها هتفضل تيجي و تروح عندنا كل شوية!
خطيبها أول مايعرف إن ابن خالتها كبير و يناسبها مش هيخليها تيجي هنا تاني غير إنها هتبقى مشغولة بخطوبتها و جهازها و أنت هتبقى لوحدك.
ماعرفتش ارد على ماما..
كلامها ضايقني!
معقول هدى هترميني كده أول ما هتلاقي حد تاني يشغلها عني!
كلام أمي خلاني مضايقة خالض لدرجة..
احنا ممكن نتقابل
استغربت رسالته.
نتقابل ليه غريبة
لا عادي نتكلم مع بعض زي ما بنتكلم على الواتساب بطلنا نتقابل في افراح بالصدفة.
أنت قولت كنا بنتقابل بالصدفة مش هينفع غير كده.
مش فاهم يعني ايه
يعني ماينفعش نخطط لمقابلة و ننزل سوا و نقعد لوحدنا في مكان و كده
على فكرة يوم ما كنت واقف معانا و احنا منتظرين عربية الشركة اللي جات مش عربية الشركة اللي جه اخويا و زعق و اټخانق معايا اسبوع بعدها عشان بس شافك واقف معانا ماينفعش أنزل معاك بدون سبب أو مبرر واضح اقدر اقوله قدام نفسي و اهلي بدون ما احس إني عاملة حاجة غلط اتعاقب عليها لو حد شافني.
لا طبعا أكيد مش هقبل احطك في موقف زي ده في سبب و مبرر واضح.
هو ايه
ايه رأيك اشاركك و تفتحي شركة خاصة بيك لوحدك!
تشاركني!!
إبراهيم غالبا خطڤ قلبي ب إهتمامه ب مجهودي الضايع في الشركة اللي أنا فيها حتي لو ده ماكنش قصده بس كونه يتكلم معايا ف حلمي ده شيء عظيم و ب كلامه ده عرف يخليني اعجب بيه قوي لفت نظري إنه الوحيد اللي أهتم ب اكتر حاجة واخده قلبي!
يعني ايه يشاركني!
و اشمعنا دلوقتي!
ايه محتاج فلوس!
مرتب البوليس مش مكفية!
اتقسمت نصين جوايا
نص فرحان قوي و أنا حاسة العلاقات بتقرب بيني و بينه و أنا مش فاهمة أنا ليه فرحانة كده!
و نص خاېف و محتار و الاسئلة كتيرة قوي جوايا.
لكن قابلته و قابلته من غير ما أقول لحد..
حجتي قصاد نفسي عشان أتنازل عن مبادئ
أنا رايحة بس عشان أفهم هو عاوز ايه!
صباح الخير.
دايما متأخره كدا!
مش هتصدقني لو قولتلك إنه بيبقي ڠصب عني.
أكيد طبعا الشياكة دي كلها بتاخد وقت.
الزحمة و العربيات و كده.
طيب ندخل في الموضوع على طول أنا شايف إن المشروع كويس و هيبقي مربح و أنت هتكبريه و هتعرفي تنجحي بسرعة كل اللي موقفك الماديات و لو الماديات دي أتوفرت يبقي نجاحك ماحدش هيعرف يوقفه.
إزاي تفكر تشاركني أنت راجل حكومة مجالي ده بعيد عنك خالص!
هتشاركني ف شركة أفراح! مش خاېف على اسمك و لا إن حد يقول عليك حاجة!
مافيهاش أي حاجة و بعدين هتبقى شركة محترمة يعني و المجال ده منتشر قوي و ليه مستقبل الأيام الجاية و بعدين أنا هبقي بعيد عن الصورة كل حاجة هتبقي في تحكمك أنت مش ده حلمك!
موضوع غريب هو حلو طبعا و حاجة تبسطني جدا بس أنا لازم أفكر و اسأل.
اسألي اللي تحبيه تحت أمرك.
ليه
ليه و إزاي فكرت في الموضوع ده ليه و جه في دماغك إزاي
بصراحة حبيت حماسك قوي و أنت بتتكلمي عن اهتمامك و شغلك شايف فيك بنت قوية بتبني نفسها بنفسها مش كل حياتك معتمدة على الآخرين لا و عايشة الدور على كل الناس بالعكس بسيطة و متواضعة جدا.
سامحني.. حاسة إنك بتتكلم على خطيبتك!
اللي كانت خطيبتي قصدك اه يعني حاجة زي كده المهم يعني أنا حابب أساعدك تحققي حلمك مش مهم المكسب معايا قد مانا حابب أساعدك ف وافقي قبل ما أرجع ف كلامي.
اوعي تكون ب تهزر!
بهزر إيه! قومي ندورلك على مكان للشركة.
الكوشة
TiRo
7
و من وقتها و لحد دلوقت أنا بحلم وبس بحلم و هو بيساعدني أحقق و بس!
بس لغاية كده و كفاية بمبي بمبي و دور سعاد حسني ده!
الموضوع لازم يدخل في الجد.
كان المفروض أنفذ الخطوة اللي في دماغي بس..
هنتقابل بكره عشان نبدأ في إجراءات الشركة و العقد و كده!
اه ماشي بس خلينا بعد خطوبة هدى.
هدى دي قريبتك البنت اللي على طول معاك!
ايوه هي.
مش كانت استنت شوية كانت هتبقى أول مناسبة في شركتك الجديدة!
مانا فعلا هعتبرها كده مش لازم استنى لما نفتح المقر قبل ما نفتح عادي و اه صحيح أنت هتيجي الخطوبة.
لا بلاش أنا.
ليه
يعني ماعرفش حد غيرك و العروسة معرفتي بيها بسيطة و بعدين ناسية موقف أخوك ممكن يضايق لو شافني تاني.
لا ماهو الكل هيعرفك المره دي.
يعني ايه
شوف يا إبراهيم..
إبراهيم
ياختي خدتي على الكلمة قوي و ساهل نطقها على شفايفك!
كان مين إبراهيم ده اللي خدتي عليه بسرعة
زميلك في الابتدائي!
ضحكت على نفسي و كملت كلام في الشات زي ما بنتكلم طول الوقت.
شوف يا إبراهيم أنا مش مرتاحة بالوضع ده في الأول وافقت عشان كانت أول مقابلة بس مقابلة جابت مقابلة و العدد كتر أنا مش مبسوطة كده و عمري ماكنت كده عشان كده أنت هتيجي الخطوبة و أنا هعرفك ليهم إنك الشخص اللي هيشاركني و على فكرة أنا قولتلهم و هما كمان طالبين يشوفوك و يوم ما هنكتب عقد الشراكة أخويا و بابا هيحضروا عشان أنا بحب أكون واضحة طول الوقت.
رد ب ضحك و بعدها بعت رده.
ايه يابنتي كل ده!
ليه التعقيدات دي كلها محسساني إنها خطوبتنا احنا مش قوي كده ده يادوب شركة صغيرة يعني و بعدين أنا ضامنك ياستي مش هتاخدي فلوسي و هتهربي.
استفزني مۏت بطريقته
لو كان قدامي كان زماني خبطاه في دماغي
عشان شايف نفسك ظابط مهم و لا ايه!
لا ماتعرفنيش ده أنا حورية
ماعرفش وظيفتي ايه في الدولة بس حورية
و لازم أخليك ټندم على استخفافك ده دلوقتي.
لأ لحظة حاسة ب استخفاف و طريقة مش عجباني على العموم ده النظام اللي هيريحني لو حضرتك مش هتبقى مرتاح كده بسيطة هرجع لشركتي القديمة و اعتبر كل شيء ملغي.
ماردش و لقيته بيرن عليا.
عصبيتي أكيد هتظهر في صوتي أكتر من الكتابة.
نعم
ايه يا حورية طريقتك دي!
مالها طريقتي!
بتردي عليا تقوليلي نعم و صوتك متعصب و على الواتساب بتقوليلي حضرتك و كل شيء ملغي مالك!
على فكرة أنا ماغلطش في كلامي معاك!
لا بتتريق عليا و مش عجباك طريقتي و إني عايزة كل حاجة تبقى قصاد أهلى
إزاي يعني عايزني اسيب شغلي و ابدأ شغل جديد و بشراكة مش شخص غريب من غير ما أهلي يعرفوا!
أفرض حصلت مشكلة بيني و بينك
يتفاجئوا ساعتها!
ماقولتش إنك غلط لكن حسيت طريقتك رسمية قوي حسستيني إني طالب إيدك!
طب و غلاوة تريقتك دي هخليك تتمنى تطلب ايدي و ماتطولهاش.
لو ماهو أنت لو طالب ايدي هتبقى في تعقيدات و شروط و رسميات أكتر من
كده بكتير.
ده انتو عيلة معقدة بقى!
و ده كمان تعليق غير