رواية الكوشة كاملة لجميع فصول بقلم TiRo

شهر و شوية و كنت لازم أقابلهم كل يوم ف أرض المعركة.. ف القاعة.
أنا ب طبعي شخصية قيادية ف شغلي بالذات اه طبعا لازم أنفذ رغبة العميل أهم حاجة إنه ينبسط و يحس إنه مرتاح يوم فرحه ب أصغر تفصيلة موجودة ف القاعة بس كله ف الآخر بيمشي ب كلمتي و ذوقي و بردو العروسة و العريس بيكونوا مبسوطين.
عملتي أفراح نص بنات البلد و ماعملتيش فرحك!
حوشي أمك يا هدى!
سيبك من هدى أنا بكلمك أنت لو مش لاقية عرسان أقول معذورة لكن أنت مش بيعدي الأسبوع غير بعريس جديد!
مش هتخطب لواحد يقعدني من الشغل تاني.
اه امال ايه حقك طبعا بت خالتك يا هدى بتشتغل في السفارة الإيطالية.
أمك بتتريق يا هدى!
امال شغل شغل ده هما شوية طرابيزات و كراسي يابت شغلانتك دي مش جديدة على أول شارعنا و أنت نازلة خلي هدى تشاورلك عليه اسمه عم حمادة بتاع الفراشة عنده شوية طرابيزات و كراسي و بيشتغل زيك كده بالظبط.
طب و الله أنزل و مش هاجي عندكم تاني.
بس يا ماما حورية هتزعل بجد.
تزعلي و لا ماتزعليش مش كفاية مزعله أمك.. كفاية كده.
سلام يا هدى سلام يا خالتي.
نزلت و أنا فعلا مضايقة
سابوا ايه للغريب لما أهلي يعملوا فيا كده!
هدى ماقدرتش تسيبني و جات ورايا.
فضلت تتمشى معايا و مش بتتكلم و أول ما جابتلي ايس كريم على أساس بتصالحني رجعت تتكلم تاني.
خلاص لو هي مشكلة شغل نشوف واحد بيحب شغلك.
كلهم يا حبيبتي ف الأول بيكونوا مبهورين ب اللي بعمله فجأة بعدين يقولي لأ و أنت إزاي تشتغلي و دي شغلانة مالهاش لازمة و إيه أخرك بتفرشي كراسي و طرابيزات زي أمك كده بالظبط.
ده أنت شايلة كتير يا حورية!
و لسه هشيل أكتر اسكتي.
ايه ده ليه!!
عرايس الغفلة بتوعك أهو أنا هيتحرق دمي من أول النهارده لحد شهر قدام تاني ب سببك أنت!
هتروحي تقابلي رويدا و عريسها!
زفت على دماغها.
بقولك إيه ركزي! دول ناس تقيلة! أي غلطة كدا و لا كدا هتروحي ف داهية و ممكن يسجنوك!
هبعتهم ياخدوا أمك و اخلص منكم كلكم.
الكوشة٢
TiRo
3
بدأت معركتي معاهم.
بس هعمل زي ما هدى قالتلي أنا مالى مستفزة و لا متخلفة حتى
الله يكون في عون خطيبها
ملهاش عندي غير شغل و بس.
و عشان حظهم سيء أنا اتأخرت عليهم أول يوم.
صباح الخير آسفة للتأخير
هو رد عليا.
و لا يهمك.
لكن هي طبعا لازم تحط لمستها السحرية.
مش المفروض ما بينا معاد!
بعتذر الطريق كان زحمة جدا النهارده.
ضحكت ضحكة سخيفة قوي.
مش لطيف نبدأ أول مقابلة ب إعتذارات بس ما علينا مش مشكلة.
مش مشكلة بعد ماكسفتني و احرجتني!
لمحته بيغمز ليها و بيقولها تهدى و هي حاولت تهدى فعلا.
احنا ممكن نروح مكان القاعة أفضل من هنا على الأقل عشان نتكلم على أرض الواقع لإن خلاص الوقت اتأخر ماعندناش وقت نقعد هنا و لا ايه
مش عارفة الربع ساعة اللي اتأخرتها عملت لها أزمة في حياتها للدرجة دي!!
بس معلش أنا الكبيرة مقام.
رويدا بتتكلم صح احنا نطلع على القاعة و نتكلم هناك.
نزلت قدامهم و اتحركت على القاعة فعلا يلا خلينا نخلص.
ها إيه رأيكم!
لا القاعة مش حلوة خالص أنا عايزة أغير كل ده!
تمام هنغيره تحبي نبدأ ب ايه
رد هو عليا.
ممكن تدينا أفكار أنت كل يوم بتعملي أفراح أكيد عندك أفكار جديدة.
قبل ما أرد و أقول أي فكرة هي اللي ردت.
لا أنا عايزة فرح مختلف غير أي فرح عملتيه ماتعمليش أي فكرة عملتيها قبل كده عايزة أفكار جديدة ماتعملتش قبل كده.
تمام تحبي نبدأ ب ايه
عايزة القاعة تبقي مليانة ألوان كده عايزة أقرب المسافات بين الناس عايزة الكراسي تبقى جنب بعضها و عايزة أعملها كلها ب لون واحد ايه رأيك!
حاسة إني محطوطة إضافة في المناقشة دي هي بتفكر و بتاخد رأيه و أنا واقفة في النص!
عادي شوفي اللي يعجبك أنت عارفة أنا مش بركز في التفاصيل دي.
بصي أنا بفكر في أحمر كل الكراسي حمرا و عليا فيونكات سودا كبيره.. ايه رأيك!
طب أقول رأيي أنا ولا اسيبهم يعكوا و الفرح يبوظ و في الآخر اسمي و اسم شركتي اللي هيتعك في المصېبة دي!!
أحمر ايه يا رويدا لأ خلينا نشوف لون أرقى من كده و لا ايه رأيك يا حورية!
أخيرا حد اهتم ياخد رأيي في شغلي!!
هو لو عايزة تغطي الكراسي ممكن يبقى لونها أبيض عشان تليق على كل حاجة القاعة لسه هيتحط فيها حاجات كتير.. لسه الكوشة و الورد و الإضاءة
لازم كل ده يليق على بعضه
لو الكراسي لونها أحمر مع الإضاءة الغامقة للقاعة هتتقفل قوي و هتبقى ضلمة!
مش عارفة مش حاسة أنا عايزة حاجة مختلفة!
طيب بتفكري في ايه تاني!
فكرتي شكل الكوشة يبقى إزاي
الفكرة إني لما بوجه ليها الكلام مش بترد عليا..
بتبص لخطيبها و تكلمه هو كأني هوا مش موجودة!
أنا مش عارفة ايه مصبرني على الإهانة دي!
حاسة الورد بقى منتشر قوي ايه رأيك في الريش!
الريش الضخم ده و يبقى طاير من حوالينا كده ده ممكن كمان نعمله ريش ألوان!
لقيت نفسي هضحك بس بعد ما رد عليها ماقدرتش أمنع ضحكتي.
ريش ايه يا رويدا احنا قاعدين في عشة!
ضحكت.
بصتلي بغيظ.
بتضحكي ليه
لا مش على حاجة.. بس أقولكم حاجة أفضل!
ايه رأيكم نقعد و افرجكم على صور الأفراح اللي عملتها قبل كده و شكل الديكور و تختاروا.
قولت مش عايزة حاجة اتعملت قبل كده!
عادي ممكن نختار من كل فرح تفصيلة ناخد من هنا و ناخد من هنا و أكيد لما يحصل دمج هتبقى حاجة جديدة ماحصلتش قبل كده.
لا أنا خلاص مزاجي باظ و اتقفلت يلا نمشي.
بصت لها و بصيت على وقتي و يومي اللي باظ بسببها و ماخدتش منها معلومة عدلة أعرف اشتغل عليها!!
رديت عليها.
معلش خلينا نتفق على الخطوط العريضة عشان ابدأ تجهيزات عشان لو حاجة مش عندي ألحق اشتريها ماتنسيش إن الفرح خلاص فاضل أقل من شهر!
لا أنا اتقفلت قوي و مش عايزة أكمل النهارده خلينا يوم تاني.
قبل ما خطيبها يبصلي و يعتذرلي عشان حس ب قلة ذوقها و عدم تقديرها كانت شداه من إيده ساحبها قدامها.
قعدت لوحدي في القاعة و حقيقي مش عارفة أنا ايه البلوة اللي ابتليت بيها دي!!
أنا مضايقة!
هفضل قاعدة لغاية امتى!
يلا نرجع يا حورية.
روحت البيت و بعد شوية هدى كلمتني.
ايه يا هدى!
وائل مش بيكلمني يا حورية!
وائل مين
وائل مين ايه وائل زفت أخوك!
و أنت بتكلمي وائل ليه فيه حاجة و لا ايه
ايه يا حورية مالك ما تركزي معايا كده!
بكلمه بسأل عليه يعني مافيهاش حاجة!
ماعرفش يا هدى أنا لسه داخلة البيت ماعرفش هو موجود و لا ايه!
قومي شوفيه طيب و حاولي تقوليله يعني إن هدى بترن عليه شوفي كده هو مش بيرد عليا ليه!
مش هينفع أقوله كده يا هدى!
قوليله باستنكار يعني مش بوضوح هو وائل مرتبط يا حورية و أنت مخبية عليا!
هدى يا حبيبتي
وائل لو مرتبط أنا مش هعرف لإني مش بقعد في البيت و هو مش بيتكلم مع حد فينا و لا بيحكي معانا.. وائل ده ضيف في البيت بيصحى ينزل بيرجع ياكل و يدخل اوضته مش بيكلمنا.
هو بيكلم واحده و أنت مش عايزة تقولي صح يا حورية!
اقفلي يا هدى اقفلي أنا دماغي ۏجعاني و الله.
المهم دلوقتي إنه عدى يومين و أنا ماحدش كلمني و قالي هنتقابل تاني امتى عشان نتفق على الفرح
أنا لازم اتفق معاهم ده لو أنا اللي هعمل الفرح
الوقت لو عدى أكتر من كده أنا مش هعرف اتصرف و لا أتحرك مش هيبقى عندي وقت و هتزنق و هطلع شغل زي الزفت و في الآخر هيتقال شغل حورية وحش مش هيقولوا احنا اللي زنقناها في الوقت!
عدى يومين تانيين و مافيش حس و لا خبر!
أعمل ايه دلوقتي
كلميهم طيب.
لا مش عايزة أكلمهم هيحسوا إني ملهوفة على الشغل.
طب و ايه يعني ما شغلك و عايزة تعمليه!
لا مش هينفع اكلمهم شكلي هيبقى وحش أنا بس عايزة أعرف هما متأخرين ليه ده عدى اسبوع دلوقتي على آخر مقابلة مابينا!
طب وبعدين هنعمل ايه! استني كده نفتح بروفايل البت رويدا نشوف الدنيا...
بت يا حورية البت رويدا شالت الصور!
صور ايه
صورها هي و خطيبها شالت كل حاجة و صور الخطوبة و كله!
ياشيخة وريني كده!
ماعرفتش اسكت بعد ما شوفت الصور مش عارفة عايزة اطمن على شغلي و لا عايزة أرضي فضولي و افرح فيها و لا ايه!
لا اوعي يا حورية اوعي تشمتي في حد مهما كان حاصل و مهما عرفتي اوعي تشمتي في حد كسرة الفرحة وحشة و أنت مش قدها!
فكرت إني أكلمه هو و اسأله ماقدرتش اكلمها هي
هي كده كده بتكلمني بطريقة وحشة لو كان حاصل عندها ظرف أو مضايقة من حاجة ماضمنش لسانها ممكن تقولي ايه و تضايقني!
مساء الخير.
مساء الخير مين
أنا حورية ال wedding planner
كان المفروض ما بينا معاد يعني ف أنا بتصل عشان نتفق على المعاد.
مش هنقدر نيجي.
ليه حضرتك!!
شوية مشاكل كده ف احنا هنأجل كل حاجة لغاية ما نعرف الموضوع هيخلص على ايه.
ماعرفتش ارد اقول ايه!
أنا آسفة على المكالمة ربنا يصلح الحال عن اذنك.
بعد ما قفلت معاه كلمت هدى
الحقي يا هدى شكلهم فكوا الخطوبة يابت!
الكوشة٣
TiRo
4
تفتكري حصل ايه مابينهم!
ده الفرح فاضل عليه شبه أيام!
أكيد حاجة كبيرة قوي عشان يفكوا خطوبتهم قبل الفرح!
بت يا حورية هي لسه ماسحة الصور مافيش أي دليل إنها كانت مخطوبة!
ما بيقولك في مشاكل مابينهم يا هدى مالك!
هما فكوا بس هو مكسوف يقولي أو لسه الموضوع مش رسمي ما بينهم.
مافيش غيرك هيعرف اللي حصل.
هعرف إزاي
اكيد هيروح الشركة مش كانوا دافعين عربون أكيد هيروح يسحب الفلوس.
مش شرط أشوفه لما يجي مش أنا اللي بتعامل طول الوقت مع الناس.
وبعدين هتعملي ايه!
هعمل ايه ف ايه
ف الفرح اللي باظ!
و أنا مالي هو فرحي!
مش كنتي هتشتغليه!
لا عادي من ساعة ما بدأت الشغلانة دي و بيصادفني حاجات كتير زي كده
أكون عاملة الخطوبة امبارح تاني يوم يبعتولي امسحي الصور احنا فكينا الخطوبة أنا مره عملت فرح بعد أسبوع بالظبط الراجل العريس كلمني قالي شيلي الصور احنا اطلقنا بعد أسبوع متخيلة!!
يخربيتك يا حورية تكوني نحس يابت!
لا يا حبيبتي افراح كتير اتعملت على أيدي و معاهم عيال دلوقتي.
عقبال ماتعمليلي فرحي كده يارب أنا و اللي في بالي.
اه و ماله.
نفسي اقولها إنها مش في دماغ وائل أحويا و لا عمره جاب سيرتها مايعرفش عنها حاجة غير إنها بنت خالتنا و بس!
فضلت كام يوم أفكر في حكاية رويدا و خطيبها
غريبة الدنيا و الله
معقول بعد
ما يكون اتنين ليهم فتره