رواية ذئاب لا تعرف الحب الجزء الأول كامل بقلم منال سالم الجمعة 13

لذا دلفت إلى الشرفة و...
فردوس بنبرة حانية هاتي يا بنتي الهدوم أنا هنشرها وخشي انتي ذاكري
تقى مبتسمة في رضا أنا قربت أخلص أهوو .. ارتاحي انتي يا ماما لحد ما أشوف الأكل اتطبخ ولا لأ ..
فرودس بإصرار أنا بقيت كويسة روحي شوفي مذاكرتك ولما هحتاج لمساعدة هناديلك
تقى معترضة بهدوء بس يا ماما أنا ..آآ...
فردوس بحزم وهي ترفع أحد حاجبيها هي كلمة روحي ذاكري
تقى بخفوت حاضر يا ماما
ثم تركتها ودلفت إلى خارج الشرفة لتعود إلى غرفتها وتجلس مع خالتها المړيضة في حين استمرت فردوس في تعليق باقي الثياب المبتلة ثم سمعت هي صوتا أنثويا تألفه يأتي من الأعلى ينادي عليها فرفعت بصرها عاليا لتجد جارتها محدقة بها
فردوس بنبرة مهتمة ازيك يا أم بطة عاملة ايه ياختي
أم بطة بنبرة عالية ونظرات متفحصة أنا زي الفل يا دوسة ازي البت تقى عاملة ايه
فردوس بابتسامة زائفة كويسة
أم بطة بنبرة متحمسة اوعي تنسي فرح البت بطة بنتي على أخر الأسبوع احنا عاملين حاجة على الضيق كده للحبايب وبس
فردوس بنبرة سعيدة إنه شاء الله ربنا يتملها على خير
ثم صمتت للحظة تفكر في أمر ما قبل أن تتابع ب ..
فردوس بنبرة شبه جادة بس مش البت بطة صغيرة على الجواز دي لسه مكملة 16 سنة من قريب
أم بطة بنبرة مغترة وهي ترفع حاجبيها في فخر وماله
بس ادورت واحلوت وبقت مطلوبة للجواز ..
فردوس بإعتراض طب كنتي تصبري عليها لحد ما تكبر شوية
أم بطة بنبرة تحمل المرارة هو أنا ضامنة يجيلها حد تاني ما انتي عارفة اللي فيها أنا عندي غيرها 3 وماصدقت خلصت من واحدة والواد ابن شلبي عاوزها بشنطة هدومها وهايتكفل بكل مصاريفها ..
فردوس بنبرة راجية ونظرات متفائلة ربنا يصلح حالها وحال كل البنات
أم بطة بنظرات متعشمة ونبرة ممتنة يا رب يا دوسة
ثم صمتت لثوان قبل أن تنحني أكثر بجسدها على مرفقها وتحدج فردوس بنظرات لئيمة و...
أم بطة متسائلة في فضول أومال عملتي ايه مع أختك
قطبت هي جبينها في حيرة ثم ضيقت عينيها و...
فردوس باستغراب تهاني ! مالها ماهي كويسة هو حصل حاجة !
أم بطة بنبرة شيطانية خبيثة هو انتي متعرفيش طب خلاص بقى
فردوس بتوجس ونظرات شبه زائغة في ايه اللي حصل يا أم بطة قوليلي الله يكرمك ماتحرقيش قلبي !
تنهدت أم بطة في إرهاق زائف لتثير ريبة فردوس أكثر ثم اعتدلت في وقفتها و...
أم بطة بنبرة لئيمة ونظرات متشفية اختك الله يشفيها ويردها لعقلها نزلت من البيت
جحظت عيني فردوس في صدمة شديدة وفغرت شفتيها في ذهول وعجزت للحظة عن النطق .. بينما رمقتها أم بطة بنظرات تحمل الشماتة و..
أم بطة وهي تتشدق أنا كنت عاوزة أنزل ألحقها بس البنات لبخني داهية تاخدهم وربنا يا دوسة وما ليكي عليا حلفان أنا كنت جاية أقف مع بنتك
احتقنت الډماء في عروق فردوس وتلون وجهها سريعا بحمرة الڠضب واشتعلت عينيها كجمرتين من النيران فألقت ما بيدها من مشابك وثياب مبتلة وهرولت إلى خارج الشرفة وهي تصرخ ب ...
فردوس بصړاخ هادر تقى انتي فين
انتفضت تقى فزعا في غرفتها على إثر صړاخ والدتها الصادح في المنزل و..
تقى بقلق شديد ونظرات مضطربة يا ساتر يا رب في ايه !
ثم استدارت برأسها ناحية خالتها شبه الواعية فسمعت صوت والدتها ېصرخ بإسمها مجددا لذا نهضت على الفور من على فراشها بعد أن أسندت كتابها عليه ثم سارت في اتجاه باب الغرفة ولكنها ارتدت سريعا للخلف
لم تستوعب تقى ما الذي يحدث حيث أمسكت فردوس بها لا تنتوي خيرا..
تقى پبكاء صارخ آآآآه .. ماما في ايه آآآآه
فردوس پغضب عارم فكرة إني مش هاعرف باللي حصل
تقى بصړاخ حاد ونظرات باكية أنا عملت ايه بس آآآآه !
فردوس بحنق شديد وهي تصر على أسنانها ايوه ايوه .. استعبطي عليا يا ..!!!!
وراحت تلقنها درسا حتما ستترك آثاره عليها لبضعة أيام..
تقى بصوت مخټنق وهي تتأوه من الآلم حرام والله ما عملت حاجة آآآه طب.. طب قوليلي أنا عملت ايه
فردوس بصړاخ حاد مش هاسيبك إلا لما أربيكي من أول وجديد مش على أخر الزمن بنتي
تقى پبكاء مرير مظلومة يا ماما والله ما عملت حاجة آآآآآه .. كفاية آآآآآه .. الحقيني يا خالتي آآآه
لمحتها تهاني من طرف عينها ثم غمغمت بكلمات غير مفهومة واستدارت بجسدها لتواجه الحائط تاركة ابنة أختها تصرخ من الآلم .. بعد لحظات انتهت فردوس مما تفعل وتركت ابنتها
فردوس بقسۏة ونظرات محتقنة قسما بالله لو اتكرر اللي حصل ده تاني وسمعت بس انك فتحتي الباب لأي حد لأوريكي
رمقت تقى والدتها بنظرات حزينة من عينيها المتورمتين من البكاء ثم أومأت برأسها في خوف و..
تقى بصوت مخټنق ح... حاضر
ثم تركتها وانصرفت وهي تطلق سبابا حادا وټلعن
الظروف التي جعلتها تعاني الأمرين ..
في نفس التوقيت كان زوجها عوض الله قد عاد لتوه من الخارج فتفاجيء بفردوس وهي في حالة انفعال شديد ووجهها يوحي بأنها قد خرجت من شجار حاد للتو فإقترب منها و..
عوض متسائلا بحيرة في ايه مالك قالبة وشك ليه
فردوس بنبرة متشنجة روح شوف بنتك وبلاويها
عوض بإندهاش شديد تقى ! مالها
سردت له بإيجاز وهي مازالت منفعلة ما قالته جارتهما عن ابنتها وما فعلته هي معها كردة فعل فحدجها عوض بنظرات معاتبة و...
عوض بنبرة شبه حادة وانتي على طول صدقتي على بنتك اللي مربياها الكلام ده حرامي عليكي يا فردوس البت بنتنا ماتعملش كده أبدا
فردوس پغضب ونظرات محتقنة يعني عاوزني أسمع الكلام ده وأسكت ولا أروح أطبطب عليها عشان يعجب
عوض بنبرة غليظة مش لازم تعملي ده كله اسأليها وشوفي ردها الأول ده بيقولك إن بعض الظن إثم
فردوس وهي تزفر في عدم اكتراث يوووه أهو اللي حصل بقى
عوض بنبرة ضائقة لا حول ولا قوة إلا بالله أما أروح اشوف البت جرالها أيه
ثم سار في اتجاه الغرفة وطرق الباب أولا قبل أن يفتحه فسمع صوت ابنته المنتحب يأتي من الداخل فأطل برأسه على استحياء و...
عوض وهو يتنحنح في خشونة وهو غاضض للبصر احم .. تقي يا بنتي صاحية
نهضت هي من على الفراش الذي كانت متكورة عليه وسارت بخطوات متثاقلة في اتجاه الباب وهي تصدر أنينا خاڤتا بسبب الآلم ..
توقفت تقى أمام والدها وانتحبت لأكثر من مرة أمامه وهي تحاول أن تدافع عن نفسها
عوض بنبرة أبوية مليئة بالحنو حقك عليا يا بنتي متزعليش
نظرت هي إلى والدها بعينيها الحمراوتين والمنتفختين و...
تقى بنبرة مخټنقة والله ما عملت حاجة ده خالتي خرجت وأنا ماشوفتهاش وبعدين منسي جابها وآآ...
عوض مقاطعا بهدوء يا بنتي خالتك الله يشفيها عقلها راح منها وهي معلهاش حرج من اللي بتعمله
تقى بصوت مبحوح انا عارفة والله ومقصدتش إني آآ...
عوض مقاطعا بنبرة متريثة يا بنتي أنا فاهم كل اللي هاتقوليه بس عشان محدش يجيب سيرتك بكلمة ..
تقى وهي توميء برأسها أها
عوض متابعا بجدية انتي شايفة الناس مش بيسيبوا حد في حالهم .. اه انتي بتتصرفي بحسن نية بس غيرك مترقدلك على غلطة والدنيا مالهاش أمان وأمك عندها حق تخاف عليكي ماشي هي اتصرفت بعصبية بس برضوه عشان خاطرك محدش هايحبك زيها ولا هيخاف عليكي من نسمة الهوا الطاير أدها
أومأت هي برأسها موافقة أبيها على ما يقول
عوض بخفوت و انتي بعد كده خدي بالك واتأكدي إن الباب دايما مقفول بالمفتاح عشان لو خالتك فكرت تكررها تاني ماشي
تقى بخفوت حاضر
ثم وضع يده خلف رأسها وربت عليها في عاطفة أبوية و..
عوض بنبرة شبه آمرة وروحي اعتذري لأمك يالا ومهما تعمل فيكي تقوليها طيب يامه وبالوالدين إحسانا ماشي !
لوت تقى شفتيها في ضيق فهي مازالت حزينة مما فعلته بها والدتها ولكن أصر والدها على أن تذهب إليها لتبدي أسفها على ذنب لم تقترفه .. فاضطرت أن تمتثل لأوامره ودلفت خارج الغرفة وسارت ناحية الصالة حيث تجلس والدتها .. ثم وقفت خلف أريكتها و...
تقى بنبرة حزينة ونظرات منكسرة ماما .. آآ.. أنا أسفة
لم تجبها والدتها بل استدارت برأسها لتحدجها بنظرات ازدراء ثم أشاحت بوجهها بعيدا عنها فدارت تقى حول الأريكة ووقفت في مواجهتها ثم أطرقت رأسها
للأسفل و..
تقى بنبرة شبه مخټنقة أنا أسفة يا ماما حقك عليا أنا غلطانة
فردوس بإمتعاض عارفة لو ده اتكرر تاني أنا مش هاقولك هاعمل ايه
تقى بخفوت حاضر
ثم چثت على ركبتيها وأمسكت بكف والدتها وقبلته فربتت والدتها فردوس على رأسها و..
فردوس بلهجة شبه آمرة قومي اغسلي وشك وروحي
تقى مبتسمة بهدوء ماشي
قاد أوس سيارته الفارهة ماركة مرسيدس خارج القصر بسرعة هادئة إلى أن وصل إلى الطريق الرئيسي ثم زاد السرعة تدريجيا وقام بإيصال هاتفه المحمول في شاحن سيارته وضغط على عدة أزرار وانتظر أن يأتيه الرد من عدي و..
أوس هاتفيا بنبرة عادية رغم جديتها انت فين
حاول عدي أن ينصت جيدا لأوس
عدي هاتفيا بنبرة عالية عند
أوس متسائلا بإيجاز ده فين
عدي بنبرة متشوقة وعالية بص عارف طريق ......
أوس بهدوء ايوه
عدي متابعا بحماس لف شمال من تاني تقاطع هتلاقي المكان هناك
أوس بجدية تمام .. خلاص أنا عرفته ربع ساعة وهتلاقيني عندك
عدي بنبرة مرتفعة ماشي .. مستنيك سلام بقى لأحسن الجو والع على الأخر
أوس مبتسما ابتسامة خفيفة وماله الوقتي هاجي وأشوف
ثم ضغط هو على زر إنهاء المكالمة وأكمل قيادة السيارة بمهارة فائقة ..
صف أوس سيارته ثم ترجل منه
العامل بنبرة رسمية المفاتيح يا باشا عشان أركن العربية لسيادتك
رمقه أوس بنظرات متفحصة ثم مد أصابع يده ليقرأ بطاقة الهوية المعلقة على سترة العامل ومن ثم قام بإعطائه المفاتيح وسار في اتجاه البوابة بخطوات واثقة ..
فتح الحرس المتواجد أمام البوابة الزجاجية الباب لأوس ريثما دنى منهم وقاموا بتحيته فابتسم لهم ابتسامة رضا عن تلك المعاملة التي تليق به ..
جاب أوس بنظره المكان من الداخل وهو يمر عبر ذلك الرواق الطويل فوجده مزدانا على أعلى مستوى من الديكور الحديث فالسجاد الأحمر يغطي الأرضيات الرخامية اللامعة
لمح هو بعينيه بعض رواد هذا المكان وهم في حالة عجيبة فرمقهم بإزدراء .. ثم أكمل سيره في اتجاه مصدر الصوت الصاخب الذي ينبعث من نهاية الرواق
وما إن دلف إلى الداخل حتى سلط بصره على تلك الفنانة ونظر إليها بإشمئزاز ثم استدار برأسه ليبحث عن رفيقه عدي ..
لمحه عدي من على بعد فنهض عن مقعده ثم سار بخطوات شبه راكضة في اتجاهه و...
عدي بنبرة عالية أوس باشا .. باشا !!
انتبه أوس إليه واستدار برأسه في اتجاهه ثم حدجه بنظرات حادة و..
أوس متسائلا ببرود ايه المكان ده
عدي